Zach 1

Full text search

Zach 1
Zach 1.1
בַּחֹדֶשׁ הַשְּׁמִינִי בִּשְׁנַת שְׁתַּיִם
לְדָרְיָוֶשׁ הָיָה דְבַר־יְהוָה אֶל־זְכַרְיָה
בֶּנ־בֶּרֶכְיָה בֶּנ־עִדּוֺ הַנָּבִיא
לֵאמֹר׃
Zach 1.2
קָצַף יְהוָה עַל־אֲבוֺתֵיכֶם
קָצֶף׃
Zach 1.3
וְאָמַרְתָּ אֲלֵהֶם כֹּה אָמַר יְהוָה
צְבָאוֺת שׁוּבוּ אֵלַי נְאֻם יְהוָה
צְבָאוֺת וְאָשׁוּב אֲלֵיכֶם אָמַר
יְהוָה צְבָאוֺת׃
Zach 1.4
אַל־תִּהְיוּ כַאֲבֹתֵיכֶם אֲשֶׁר קָרְאוּ־אֲלֵיהֶם
הַנְּבִיאִים הָרִאשֹׁנִים לֵאמֹר
כֹּה אָמַר יְהוָה צְבָאוֺת שׁוּבוּ
נָא מִדַּרְכֵיכֶם הָרָעִם 1 וּמֵעֲלִילֵיכֶם 2 וּמַעַלְלֵיכֶם
הָרָעִים וְלֹא שָׁמְעוּ וְלֹא־הִקְשִׁיבוּ
אֵלַי נְאֻמ־יְהוָה׃
Zach 1.5
אֲבוֺתֵיכֶם אַיֵּה־הֵם וְהַנְּבִאִים
הַלְעוֺלָם יִחְיוּ׃
Zach 1.6
אַך דְּבָרַי וְחֻקַּי אֲשֶׁר צִוִּיתִי
אֶת־עֲבָדַי הַנְּבִיאִים הֲלוֺא
הִשִּׂיגוּ אֲבֹתֵיכֶם וַיָּשׁוּבוּ
וַיֺּאמְרוּ כַּאֲשֶׁר זָמַם יְהוָה
צְבָאוֺת לַעֲשׂוֺת לָנוּ כִּדְרָכֵינוּ
וּכְמַעֲלָלֵינוּ כֵּן עָשָׂה אִתָּנוּ׃
ס
Zach 1.7
בְּיֺום עֶשְׂרִים וְאַרְבָּעָה לְעַשְׁתֵּי־עָשָׂר
חֹדֶשׁ הוּא־חֹדֶשׁ שְׁבָט בִּשְׁנַת
שְׁתַּיִם לְדָרְיָוֶשׁ הָיָה דְבַר־יְהוָה
אֶל־זְכַרְיָה בֶּנ־בֶּרֶכְיָהוּ בֶּנ־עִדּוֺא
הַנָּבִיא לֵאמֹר׃
Zach 1.8
רָאִיתִי הַלַּיְלָה וְהִנֵּה־אִישׁ
רֹכֵב עַל־סוּס אָדֹם וְהוּא
עֹמֵד בֵּין הַהֲדַסִּים אֲשֶׁר בַּמְּצֻלָה
וְאַחֲרָיו סוּסִים אֲדֻמִּים שְׂרֻיּם
וּלְבָנִים׃
Zach 1.9
וָאֹמַר מָה־אֵלֶּה אֲדֹנִי וַיֺּאמֶר
אֵלַי הַמַּלְאָך הַדֹּבֵר בִּי אֲנִי
אַרְאֶךָּ מָה־הֵמָּה אֵלֶּה׃
Zach 1.10
וַיַּעַן הָאִישׁ הָעֹמֵד בֵּינ־הַהַדַסִּים
וַיֺּאמַר אֵלֶּה אֲשֶׁר שָׁלַח יְהוָה
לְהִתְהַלֵּך בָּאָרֶץ׃
Zach 1.11
וַיַּעֲנוּ אֶת־מַלְאַך יְהוָה הָעֹמֵד
בֵּין הַהֲדַסִּים וַיֺּאמְרוּ הִתְהַלַּכְנוּ
בָאָרֶץ וְהִנֵּה כָל־הָאָרֶץ יֺשֶׁבֶת
וְשֹׁקָטֶת׃
Zach 1.12
וַיַּעַן מַלְאַכְ־יְהוָה וַיֺּאמַר
יְהוָה צְבָאוֺת עַד־מָתַי אַתָּה
לֹא־תְרַחֵם אֶת־יְרוּשָׁלִַם וְאֵת
עָרֵי יְהוּדָה אֲשֶׁר זָעַמְתָּה
זֶה שִׁבְעִים שָׁנָה׃
Zach 1.13
וַיַּעַן יְהוָה אֶת־הַמַּלְאָך הַדֹּבֵר
בִּי דְּבָרִים טוֺבִים דְּבָרִים
נִחֻמִים׃
Zach 1.14
וַיֺּאמֶר אֵלַי הַמַּלְאָך הַדֹּבֵר
בִּי קְרָא לֵאמֹר כֹּה אָמַר יְהוָה
צְבָאוֺת קִנֵּאתִי לִירוּשָׁלִַם
וּלְצִיֺּון קִנְאָה גְדוֺלָה׃
Zach 1.15
וְקֶצֶף גָּדוֺל אֲנִי קֹצֵף עַל־הַגֺּויִם
הַשַּׁאֲנַנִּים אֲשֶׁר אֲנִי קָצַפְתִּי
מְּעָט וְהֵמָּה עָזְרוּ לְרָעָה׃
Zach 1.16
לָכֵן כֹּה־אָמַר יְהוָה שַׁבְתִּי
לִירוּשָׁלִַם בְּרַחֲמִים בֵּיתִי יִבָּנֶה
בָּהּ נְאֻם יְהוָה צְבָאוֺת 1 וְקָוָה 2 וְקָו
יִנָּטֶה עַל־יְרוּשָׁלִָם׃
Zach 1.17
עוֺד קְרָא לֵאמֹר כֹּה אָמַר
יְהוָה צְבָאוֺת עוֺד תְּפוּצֶינָה
עָרַי מִטּוֺב וְנִחַם יְהוָה עוֺד
אֶת־צִיֺּון וּבָחַר עוֺד בִּירוּשָׁלִָם׃
ס

 

 

A témában további forrásokat talál az Arcanum Digitális Tudománytárban

ÉRDEKEL A TÖBBI TALÁLAT