Ps 140

Full text search

Ps 140
Ps 140.1
לַמְנַצֵּחַ מִזְמוֺר לְדָוִד׃
Ps 140.2
חַלְּצֵנִי יְהוָה מֵאָדָם רָע מֵאִישׁ
חֲמָסִים תִּנְצְרֵנִי׃
Ps 140.3
אֲשֶׁר חָשְׁבוּ רָעוֺת בְּלֵב כָּל־יֺום
יָגוּרוּ מִלְחָמוֺת׃
Ps 140.4
שָׁנְַנוּ לְשׁוֺנָם כְּמוֺ־נָחָשׁ חֲמַת
עַכְשׁוּב תַּחַת שְׂפָתֵימוֺ סֶלָה׃
Ps 140.5
שָׁמְרֵנִי יְהוָה מִידֵי רָשָׁע מֵאִישׁ
חֲמָסִים תִּנְצְרֵנִי אֲשֶׁר חָשְׁבוּ
לִדְחוֺת פְּעָמָי׃
Ps 140.6
טָמְנוּ־גֵאִים פַּח לִי וַחֲבָלִים
פָּרְשׂוּ רֶשֶׁת לְיַד־מַעְגָּל מֹקְשִׁים
שָׁתוּ־לִי סֶלָה׃
Ps 140.7
אָמַרְתִּי לַיהוָה אֵלִי אָתָּה הַאֲזִינָה
יְהוָה קוֺל תַּחֲנוּנָי׃
Ps 140.8
יְהֹוִה אֲדֹנָי עֹז יְשׁוּעָתִי סַכֹּתָה
לְרֹאשִׁי בְּיֺום נָשֶׁק׃
Ps 140.9
אַל־תִּתֵּן יְהוָה מַאֲוַיֵּי רָשָׁע
זְמָמוֺ אַל־תָּפֵק יָרוּמוּ סֶלָה׃
Ps 140.10
רֹאשׁ מְסִבָּי עֲמַל שְׂפָתֵימוֺ 1 יְכַסּוּמוֺ 2 יְכַסֵּימוֺ׃
Ps 140.11
יָמִיטוּ 2 יִמּוֺטוּ עֲלֵיהֶם גֶּחָלִים
בָּאֵשׁ יַפִּלֵם בְּמַהֲמֹרוֺת בַּל־יָקוּמוּ׃
Ps 140.12
אִישׁ לָשׁוֺן בַּל־יִכּוֺן בָּאָרֶץ
אִישׁ־חָמָס רָע יְצוּדֶנּוּ לְמַדְחֵפֹת׃
Ps 140.13
יָדַעְתָּ 2 יָדַעְתִּי כִּי־יַעֲשֶׂה יְהוָה
דִּין עָנִי מִשְׁפַּט אֶבְיֺנִים׃
Ps 140.14
אַך צַדִּיקִים יֺודוּ לִשְׁמֶךָ יֵשְׁבוּ
יְשָׁרִים אֶת־פָּנֶיךָ׃

 

 

A témában további forrásokat talál az Arcanum Digitális Tudománytárban

ÉRDEKEL A TÖBBI TALÁLAT