Ps 101

Full text search

Ps 101
Ps 101.1
לְדָוִד מִזְמוֺר חֶסֶד־וּמִשְׁפָּט
אָשִׁירָה לְךָ יְהוָה אֲזַמֵּרָה׃
Ps 101.2
אַשְׂכִּילָה בְּדֶרֶך תָּמִים מָתַי
תָּבוֺא אֵלָי אֶתְהַלֵּך בְּתָמ־לְבָבִי
בְּקֶרֶב בֵּיתִי׃
Ps 101.3
לֹא־אָשִׁית לְנֶגֶד עֵינַי דְּבַר־בְּלִיָּעַל
עֲשֹׂה־סֵטִים שָׂנֵאתִי לֹא יִדְבַּק
בִּי׃
Ps 101.4
לֵבָב עִקֵּשׁ יָסוּר מִמֶּנִּי רָע
לֹא אֵדָע׃
Ps 101.5
מְלוֺשְׁנִי 2 מְלָשְׁנִי בַסֵּתֶר רֵעֵהוּ
אוֺתוֺ אַצְמִית גְּבַהּ־עֵינַיִם
וּרְחַב לֵבָב אֹתוֺ לֹא אוּכָל׃
Ps 101.6
עֵינַי בְּנֶאֶמְנֵי־אֶרֶץ לָשֶׁבֶת
עִמָּדִי הֹלֵך בְּדֶרֶך תָּמִים הוּא
יְשָׁרְתֵנִי׃
Ps 101.7
לֹא־יֵשֵׁב בְּקֶרֶב בֵּיתִי עֹשֵׂה
רְמִיָּה דֹּבֵר שְׁקָרִים לֹא־יִכּוֺן
לְנֶגֶד עֵינָי׃
Ps 101.8
לַבְּקָרִים אַצְמִית כָּל־רִשְׁעֵי־אָרֶץ
לְהַכְרִית מֵעִיר־יְהוָה כָּל־פֹּעֲלֵי
אָוֶן׃

 

 

A témában további forrásokat talál az Arcanum Digitális Tudománytárban

ÉRDEKEL A TÖBBI TALÁLAT