Micha 7

Full text search

Micha 7
Micha 7.1
אַלְלַי לִי כִּי הָיִיתִי כְּאָסְפֵּי־קַיִץ
כְּעֹלְלֹת בָּצִיר אֵינ־אֶשְׁכּוֺל
לֶאֱכוֺל בִּכּוּרָה אִוְּתָה נַפְשִׁי׃
Micha 7.2
אָבַד חָסִיד מִנ־הָאָרֶץ וְיָשָׁר
בָּאָדָם אָיִן כֻּלָּם לְדָמִים יֶאֱרֹבוּ
אִישׁ אֶת־אָחִיהוּ יָצוּדוּ חֵרֶם׃
Micha 7.3
עַל־הָרַע כַּפַּיִם לְהֵיטִיב הַשַּׂר
שֹׁאֵל וְהַשֹּׁפֵט בַּשִּׁלּוּם וְהַגָּדוֺל
דֹּבֵר הַוַּת נַפְשׁוֺ הוּא וַיְעַבְּתוּהָ׃
Micha 7.4
טוֺבָם כְּחֵדֶק יָשָׁר מִמְּסוּכָה
יֺום מְצַפֶּיךָ פְּקֻדָּתְךָ בָאָה עַתָּה
תִהְיֶה מְבוּכָתָם׃
Micha 7.5
אַל־תַּאֲמִינוּ בְרֵעַ אַל־תִּבְטְחוּ
בְּאַלּוּף מִשֹּׁכֶבֶת חֵיקֶךָ שְׁמֹר
פִּתְחֵי־פִיךָ׃
Micha 7.6
כִּי־בֵן מְנַבֵּל אָב בַּת קָמָה
בְאִמָּהּ כַּלָּה בַּחֲמֹתָהּ אֹיְבֵי
אִישׁ אַנְשֵׁי בֵיתוֺ׃
Micha 7.7
וַאֲנִי בַּיהוָה אֲצַפֶּה אוֺחִילָה
לֵאלֹהֵי יִשְׁעִי יִשְׁמָעֵנִי אֱלֹהָי׃
Micha 7.8
אַל־תִּשְׂמְחִי אֹיַבְתִּי לִי כִּי
נָפַלְתִּי קָמְתִּי כִּי־אֵשֵׁב בַּחֹשֶׁך
יְהוָה אוֺר לִי׃ ס
Micha 7.9
זַעַף יְהוָה אֶשָּׂא כִּי חָטָאתִי
לוֺ עַד אֲשֶׁר יָרִיב רִיבִי
וְעָשָׂה מִשְׁפָּטִי יֺוצִיאֵנִי לָאוֺר
אֶרְאֶה בְּצִדְקָתוֺ׃
Micha 7.10
וְתֵרֶא אֹיַבְתִּי וּתְכַסֶּהָ בוּשָׁה
הָאֹמְרָה אֵלַי אַיֺּו יְהוָה אֱלֹהָיִך
עֵינַי תִּרְאֶינָּה בָּהּ עַתָּה תִּהְיֶה
לְמִרְמָס כְּטִיט וּצוֺת׃
Micha 7.11
יֺום לִבְנֺות גְּדֵרָיִך יֺום הַהוּא
יִרְחַק־חֹק׃
Micha 7.12
יֺום הוּא וְעָדֶיךָ יָבוֺא לְמִנִּי
אַשּׁוּר וְעָרֵי מָצוֺר וּלְמִנִּי
מָצוֺר וְעַד־נָהָר וְיָם מִיָּם
וְהַר הָהָר׃
Micha 7.13
וְהָיְתָה הָאָרֶץ לִשְׁמָמָה עַל־יֺשְׁבֶיהָ
מִפְּרִי מַעַלְלֵיהֶם׃ ס
Micha 7.14
רְעֵה עַמְּךָ בְשִׁבְטֶךָ צֹאן נַחֲלָתֶךָ
שֹׁכְנִי לְבָדָד יַעַר בְּתוֺך כַּרְמֶל
יִרְעוּ בָשָׁן וְגִלְעָד כִּימֵי עוֺלָם׃
Micha 7.15
כִּימֵי צֵאתְךָ מֵאֶרֶץ מִצְרָיִם
אַרְאֶנּוּ נִפְלָאוֺת׃
Micha 7.16
יִרְאוּ גֺויִם וְיֵבֹשׁוּ מִכֹּל גְּבוּרָתָם
יָשִׂימוּ יָד עַל־פֶּה אָזְנֵיהֶם
תֶּחֱרַשְׁנָה׃
Micha 7.17
יְלַחֲכוּ עָפָר כַּנָּחָשׁ כְּזֺחֲלֵי
אֶרֶץ יִרְגְּזוּ מִמִּסְגְּרֹתֵיהֶם
אֶל־יְהוָה אֱלֹהֵינוּ יִפְחָדוּ
וְיִרְאוּ מִמֶּךָּ׃
Micha 7.18
מִי־אֵל כָּמוֺךָ נֺשֵׂא עָוֺן וְעֹבֵר
עַל־פֶּשַׁע לִשְׁאֵרִית נַחֲלָתוֺ
לֹא־הֶחֱזִיק לָעַד אַפּוֺ כִּי־חָפֵץ
חֶסֶד הוּא׃
Micha 7.19
יָשׁוּב יְרַחֲמֵנוּ יִכְבֹּשׁ עֲוֺנֺתֵינוּ
וְתַשְׁלִיך בִּמְצֻלוֺת יָם כָּל־חַטֹּאותָם׃
Micha 7.20
תִּתֵּן אֱמֶת לְיַעֲקֹב חֶסֶד לְאַבְרָהָם
אֲשֶׁר־נִשְׁבַּעְתָּ לַאֲבֹתֵינוּ מִימֵי
קֶדֶם׃

 

 

A témában további forrásokat talál az Arcanum Digitális Tudománytárban

ÉRDEKEL A TÖBBI TALÁLAT