Micha 6

Full text search

Micha 6
Micha 6.1
שִׁמְעוּ־נָא אֵת אֲשֶׁר־יְהוָה אֹמֵר
קוּם רִיב אֶת־הֶהָרִים וְתִשְׁמַעְנָה
הַגְּבָעוֺת קוֺלֶךָ׃
Micha 6.2
שִׁמְעוּ הָרִים אֶת־רִיב יְהוָה
וְהָאֵתָנִים מֹסְדֵי אָרֶץ כִּי
רִיב לַיהוָה עִמ־עַמּוֺ וְעִמ־יִשְׂרָאֵל
יִתְוַכָּח׃
Micha 6.3
עַמִּי מֶה־עָשִׂיתִי לְךָ וּמָה הֶלְאֵתִיךָ
עֲנֵה בִי׃
Micha 6.4
כִּי הֶעֱלִתִיךָ מֵאֶרֶץ מִצְרַיִם
וּמִבֵּית עֲבָדִים פְּדִיתִיךָ וָאֶשְׁלַח
לְפָנֶיךָ אֶת־מֹשֶׁה אַהֲרֹן וּמִרְיָם׃
Micha 6.5
עַמִּי זְכָר־נָא מַה־יָּעַץ בָּלָק
מֶלֶך מוֺאָב וּמֶה־עָנָה אֹתוֺ
בִּלְעָם בֶּנ־בְּעוֺר מִנ־הַשִּׁטִּים
עַד־הַגִּלְגָּל לְמַעַן דַּעַת צִדְקוֺת
יְוָה׃
Micha 6.6
בַּמָּה אֲקַדֵּם יְהוָה אִכַּף לֵאלֹהֵי
מָרוֺם הַאֲקַדְּמֶנּוּ בְעוֺלוֺת
בַּעֲגָלִים בְּנֵי שָׁנָה׃
Micha 6.7
הֲיִרְצֶה יְהוָה בְּאַלְפֵי אֵילִים
בְּרִבְבוֺת נַחֲלֵי־שָׁמֶן הַאֶתֵּן
בְּכוֺרִי פִּשְׁעִי פְּרִי בִטְנִי חַטַּאת
נַפְשִׁי׃
Micha 6.8
הִגִּיד לְךָ אָדָם מַה־טּוֺב וּמָה־יְהוָה
דּוֺרֵשׁ מִמְּךָ כִּי אִמ־עֲשׂוֺת
מִשְׁפָּט וְאַהֲבַת חֶסֶד וְהַצְנֵעַ
לֶכֶת עִמ־אֱלֹהֶיךָ׃ ף
Micha 6.9
קוֺל יְהוָה לָעִיר יִקְרָא וְתוּשִׁיָּה
יִרְאֶה שְׁמֶךָ שִׁמְעוּ מַטֶּה וּמִי
יְעָדָהּ׃
Micha 6.10
עוֺד הַאִשׁ בֵּית רָשָׁע אֹצְרוֺת
רֶשַׁע וְאֵיפַת רָזֺון זְעוּמָה׃
Micha 6.11
הַאֶזְכֶּה בְּמֹאזְנֵי רֶשַׁע וּבְכִיס
אַבְנֵי מִרְמָה׃
Micha 6.12
אֲשֶׁר עֲשִׁירֶיהָ מָלְאוּ חָמָס וְיֺשְׁבֶיהָ
דִּבְּרוּ־שָׁקֶר וּלְשׁוֺנָם רְמִיָּה
בְּפִיהֶם׃
Micha 6.13
וְגַמ־אֲנִי הֶחֱלֵיתִי הַכּוֺתֶךָ
הַשְׁמֵם עַל־חַטֹּאתֶךָ׃
Micha 6.14
אַתָּה תֹאכַל וְלֹא תִשְׂבָּע וְיֶשְׁחֲךָ
בְּקִרְבֶּךָ וְתַסֵּג וְלֹא תַפְלִיט
וַאֲשֶׁר תְּפַלֵּט לַחֶרֶב אֶתֵּן׃
Micha 6.15
אַתָּה תִזְרַע וְלֹא תִקְצוֺר אַתָּה
תִדְרֹכְ־זַיִת וְלֹא־תָסוּך שֶׁמֶן
וְתִירוֺשׁ וְלֹא תִשְׁתֶּה־יָּיִן׃
Micha 6.16
וְיִשְׁתַּמֵּר חֻקּוֺת עָמְרִי וְכֹל
מַעֲשֵׂה בֵית־אַחְאָב וַתֵּלְכוּ
בְּמֹעֲצוֺתָם לְמַעַן תִּתִּי אֹתְךָ
לְשַׁמָּה וְיֺשְׁבֶיהָ לִשְׁרֵקָה וְחֶרְפַּת
עַמִּי תִּשָּׂאוּ׃ ף

 

 

A témában további forrásokat talál az Arcanum Digitális Tudománytárban

ÉRDEKEL A TÖBBI TALÁLAT