Job 7

Full text search

Job 7
Job 7.1
הֲלֹא־צָבָא לֶאֱנֺושׁ 1 עַל 2 עֲלֵי־אָרֶץ
וְכִימֵי שָׂכִיר יָמָיו׃
Job 7.2
כְּעֶבֶד יִשְׁאַפ־צֵל וּכְשָׂכִיר יְקַוֶּה
פָעֳלוֺ׃
Job 7.3
כֵּן הָנְחַלְתִּי לִי יַרְחֵי־שָׁוְא
וְלֵילוֺת עָמָל מִנּוּ־לִי׃
Job 7.4
אִמ־שָׁכַבְתִּי וְאָמַרְתִּי מָתַי אָקוּם
וּמִדַּד־עָרֶב וְשָׂבַעְתִּי נְדֻדִים
עֲדֵי־נָשֶׁף׃
Job 7.5
לָבַשׁ בְּשָׂרִי רִמָּה 1 וְגִישׁ 2 וְגוּשׁ
עָפָר עוֺרִי רָגַע וַיִּמָּאֵס׃
Job 7.6
יָמַי קַלּוּ מִנִּי־אָרֶג וַיִּכְלוּ
בְּאֶפֶס תִּקְוָה׃
Job 7.7
זְכֹר כִּי־רוּחַ חַיָּי לֹא־תָשׁוּב
עֵינִי לִרְאוֺת טוֺב׃
Job 7.8
לֹא־תְשׁוּרֵנִי עֵין רֹאִי עֵינֶיךָ
בִּי וְאֵינֶנִּי׃
Job 7.9
כָּלָה עָנָן וַיֵּלַך כֵּן יֺורֵד
שְׁאוֺל לֹא יַעֲלֶה׃
Job 7.10
לֹא־יָשׁוּב עוֺד לְבֵיתוֺ וְלֹא־יַכִּירֶנּוּ
עוֺד מְקֹמוֺ׃
Job 7.11
גַּמ־אֲנִי לֹא אֶחֱשָׂך פִּי אֲדַבְּרָה
בְּצַר רוּחִי אָשִׂיחָה בְּמַר נַפְשִׁי׃
Job 7.12
הֲיָמ־אָנִי אִמ־תַּנִּין כִּי־תָשִׂים
עָלַי מִשְׁמָר׃
Job 7.13
כִּי־אָמַרְתִּי תְּנַחֲמֵנִי עַרְשִׂי
יִשָּׂא בְשִׂיחִי מִשְׁכָּבִי׃
Job 7.14
וְחִתַּתַּנִי בַחֲלֹמוֺת וּמֵחֶזְיֺנֺות
תְּבַעֲתַנִּי׃
Job 7.15
וַתִּבְחַר מַחֲנָק נַפְשִׁי מָוֶת מֵעַצְמוֺתָי׃
Job 7.16
מָאַסְתִּי לֹא־לְעֹלָם אֶחְיֶה חֲדַל
מִמֶּנִּי כִּי־הֶבֶל יָמָי׃
Job 7.17
מָה־אֱנֺושׁ כִּי תְגַדְּלֶנּוּ וְכִי־תָשִׁית
אֵלָיו לִבֶּךָ׃
Job 7.18
וַתִּפְקְדֶנּוּ לִבְקָרִים לִרְגָעִים
תִּבְחָנֶנּוּ׃
Job 7.19
כַּמָּה לֹא־תִשְׁעֶה מִמֶּנִּי לֹא־תַרְפֵּנִי
עַד־בִּלְעִי רֻקִּי׃
Job 7.20
חָטָאתִי מָה אֶפְעַל לָך נֺצֵר
הָאָדָם לָמָה שַׂמְתַּנִי לְמִפְגָּע
לָך וָאֶהְיֶה עָלַי לְמַשָּׂא׃
Job 7.21
וּמֶה לֹא־תִשָּׂא פִשְׁעִי וְתַעֲבִיר
אֶת־עֲוֺנִי כִּי־עַתָּה לֶעָפָר
אֶשְׁכָּב וְשִׁחֲרְתַּנִי וְאֵינֶנִּי׃
ף

 

 

A témában további forrásokat talál az Arcanum Digitális Tudománytárban

ÉRDEKEL A TÖBBI TALÁLAT