Jes 54

Full text search

Jes 54
Jes 54.1
רָנִּי עֲקָרָה לֹא יָלָדָה פִּצְחִי
רִנָּה וְצַהֲלִי לֹא־חָלָה כִּי־רַבִּים
בְּנֵי־שׁוֺמֵמָה מִבְּנֵי בְעוּלָה
אָמַר יְהוָה׃
Jes 54.2
הַרְחִיבִי מְקוֺם אָהֳלֵך וִירִיעוֺת
מִשְׁכְּנֺותַיִך יַטּוּ אַל־תַּחְשֹׂכִי
הַאֲרִיכִי מֵיתָרַיִך וִיתֵדֹתַיִך
חַזֵּקִי׃
Jes 54.3
כִּי־יָמִין וּשְׂמֹאול תִּפְרֹצִי
וְזַרְעֵך גֺּויִם יִירָשׁ וְעָרִים
נְשַׁמּוֺת יֺושִׁיבוּ׃
Jes 54.4
אַל־תִּירְאִי כִּי־לֹא תֵבוֺשִׁי
וְאַל־תִּכָּלְמִי כִּי לֹא תַחְפִּירִי
כִּי בֹשֶׁת עֲלוּמַיִך תִּשְׁכָּחִי וְחֶרְפַּת
אַלְמְנוּתַיִך לֹא תִזְכְּי־עוֺד׃
Jes 54.5
כִּי בֹעֲלַיִך עֹשַׂיִך יְהוָה צְבָאוֺת
שְׁמוֺ וְגֺאֲלֵך קְדוֺשׁ יִשְׂרָאֵל
אֱלֹהֵי כָל־הָאָרֶץ יִקָּרֵא׃
Jes 54.6
כִּי־כְאִשָּׁה עֲזוּבָה וַעֲצוּבַת
רוּחַ קְרָאָך יְהוָה וְאֵשֶׁת נְעוּרִים
כִּי תִמָּאֵס אָמַר אֱלֹהָיִך׃
Jes 54.7
בְּרֶגַע קָטֹן עֲזַבְתִּיך וּבְרַחֲמִים
גְּדֹלִים אֲקַבְּצֵך׃
Jes 54.8
בְּשֶׁצֶף קֶצֶף הִסְתַּרְתִּי פָנַי רֶגַע
מִמֵּך וּבְחֶסֶד עוֺלָם רִחַמְתִּיך
אָמַר גֺּאֲלֵך יְהוָה׃ ס
Jes 54.9
כִּי־מֵי נֺחַ זֺאת לִי אֲשֶׁר
נִשְׁבַּעְתִּי מֵעֲבֹר מֵי־נֺחַ עוֺד
עַל־הָאָרֶץ כֵּן נִשְׁבַּעְתִּי מִקְּצֹף
עָלַיִך וּמִגְּעָר־בָּך׃
Jes 54.10
כִּי הֶהָרִים יָמוּשׁוּ וְהַגְּבָעוֺת
תְּמוּטֶנָה וְחַסְדִּי מֵאִתֵּך לֹא־יָמוּשׁ
וּבְרִית שְׁלוֺמִי לֹא תָמוּט
אָמַר מְרַחֲמֵך יְהוָה׃ ס
Jes 54.11
עֲנִיָּה סֹעֲרָה לֹא נֻחָמָה הִנֵּה
אָנֺכִי מַרְבִּיץ בַּפּוּך אֲבָנַיִך
וִיסַדְתִּיך בַּסַּפִּירִים׃
Jes 54.12
וְשַׂמְתִּי כַּדְכֹד שִׁמְשֹׁתַיִך וּשְׁעָרַיִך
לְאַבְנֵי אֶקְדָּח וְכָל־גְּבוּלֵך
לְאַבְנֵי־חֵפֶץ׃
Jes 54.13
וְכָל־בָּנַיִך לִמּוּדֵי יְהוָה
וְרַב שְׁלוֺם בָּנָיִך׃
Jes 54.14
בִּצְדָקָה תִּכּוֺנָנִי רַחֲקִי מֵעֹשֶׁק
כִּי־לֹא תִירָאִי וּמִמְּחִתָּה כִּי
לֹא־תִקְרַב אֵלָיִך׃
Jes 54.15
הֵן גֺּור יָגוּר אֶפֶס מֵאוֺתִי
מִי־גָר אִתָּך עָלַיִך יִפּוֺל׃
Jes 54.16
הֵן 2 הִנֵּה אָנֺכִי בָּרָאתִי חָרָשׁ
נֺפֵחַ בְּאֵשׁ פֶּחָם וּמוֺצִיא כְלִי
לְמַעֲשֵׂהוּ וְאָנֺכִי בָּרָאתִי מַשְׁחִית
לְחַבֵּל׃
Jes 54.17
כָּל־כְּלִי יוּצַר עָלַיִך לֹא יִצְלָח
וְכָל־לָשׁוֺן תָּקוּמ־אִתָּך לַמִּשְׁפָּט
תַּרְשִׁיעִי זֺאת נַחֲלַת עַבְדֵי
יְהוָה וְצִדְקָתָם מֵאִתִּי נְאֻמ־יְהוָה׃
ס

 

 

A témában további forrásokat talál az Arcanum Digitális Tudománytárban

ÉRDEKEL A TÖBBI TALÁLAT