Jes 45

Full text search

Jes 45
Jes 45.1
כֹּה־אָמַר יְהוָה לִמְשִׁיחוֺ לְכוֺרֶשׁ
אֲשֶׁר־הֶחֱזַקְתִּי בִימִינֺו לְרַד־לְפָנָיו
גֺּויִם וּמָתְנֵי מְלָכִים אֲפַתֵּחַ
לִפְתֹּחַ לְפָנָיו דְּלָיִם וּשְׁעָרִים
לֹא יִסָּגֵרוּ׃
Jes 45.2
אֲנִי לְפָנֶיךָ אֵלֵך וַהֲדוּרִים 1 אוֺשִׁר 2 אֲיַשֵּׁר
דַּלְתוֺת נְחוּשָׁה אֲשַׁבֵּר וּבְרִיחֵי
בַרְזֶל אֲגַדֵּעַ׃
Jes 45.3
וְנָתַתִּי לְךָ אוֺצְרוֺת חֹשֶׁך וּמַטְמֻנֵי
מִסְתָּרִים לְמַעַן תֵּדַע כִּי־אֲנִי
יְהוָה הַקּוֺרֵא בְשִׁמְךָ אֱלֹהֵי
יִשְׂרָאֵל׃
Jes 45.4
לְמַעַן עַבְדִּי יַעֲקֹב וְיִשְׂרָאֵל
בְּחִירִי וָאֶקְרָא לְךָ בִּשְׁמֶךָ
אֲכַנְּךָ וְלֹא יְדַעְתָּנִי׃
Jes 45.5
אֲנִי יְהוָה וְאֵין עוֺד זוּלָתִי
אֵין אֱלֹהִים אֲאַזֶּרְךָ וְלֹא
יְדַעְתָּנִי׃
Jes 45.6
לְמַעַן יֵדְעוּ מִמִּזְרַח־שֶׁמֶשׁ וּמִמַּעֲרָבָה
כִּי־אֶפֶס בִּלְעָדָי אֲנִי יְהוָה
וְאֵין עוֺד׃
Jes 45.7
יֺוצֵר אוֺר וּבוֺרֵא חֹשֶׁך עֹשֶׂה
שָׁלוֺם וּבוֺרֵא רָע אֲנִי יְהוָה
עֹשֶׂה כָל־אֵלֶּה׃ ס
Jes 45.8
הַרְעִיפוּ שָׁמַיִם מִמַּעַל וּשְׁחָקִים
יִזְּלוּ־צֶדֶק תִּפְתַּח־אֶרֶץ וְיִפְרוּ־יֶשַׁע
וּצְדָקָה תַצְמִיחַ יַחַד אֲנִי יְהוָה
בְּרָאתִיו׃ ס
Jes 45.9
הוֺי רָב אֶת־יֺצְרוֺ חֶרֶשׂ אֶת־חַרְשֵׂי
אֲדָמָה הֲיֺאמַר חֹמֶר לְיֺצְרוֺ
מַה־תַּעֲשֶׂה וּפָעָלְךָ אֵינ־יָדַיִם
לוֺ׃ ס
Jes 45.10
הוֺי אֹמֵר לְאָב מַה־תּוֺלִיד
וּלְאִשָּׁה מַה־תְּחִילִין׃ ס
Jes 45.11
כֹּה־אָמַר יְהוָה קְדוֺשׁ יִשְׂרָאֵל
וְיֺצְרוֺ הָאֹתִיֺּות שְׁאָלוּנִי
עַל־בָּנַי וְעַל־פֹּעַל יָדַי תְּצַוֻּנִי׃
Jes 45.12
אָנֺכִי עָשִׂיתִי אֶרֶץ וְאָדָם עָלֶיהָ
בָרָאתִי אֲנִי יָדַי נָטוּ שָׁמַיִם
וְכָל־צְבָאָם צִוֵּיתִי׃
Jes 45.13
אָנֺכִי הַעִירֹתִהוּ בְצֶדֶק וְכָל־דְּרָכָיו
אֲיַשֵּׁר הוּא־יִבְנֶה עִירִי וְגָלוּתִי
יְשַׁלֵּחַ לֹא בִמְחִיר וְלֹא בְשֹׁחַד
אָמַר יְהוָה צְבָות׃ ף
Jes 45.14
כֹּה אָמַר יְהוָה יְגִיעַ מִצְרַיִם
וּסְחַר־כּוּשׁ וּסְבָאִים אַנְשֵׁי
מִדָּה עָלַיִך יַעֲבֹרוּ וְלָך יִהְיוּ
אַחֲרַיִך יֵלֵכוּ בַּזִּקִּים יַעֲבֹרוּ
וְאֵלַיִך יִשְׁתַּחֲוּוּ אֵלַיִך יִתְפַּלָּלוּ
אַך בָּך אֵל וְאֵין עוֺד אֶפֶס
אֱלֹהִים׃
Jes 45.15
אָכֵן אַתָּה אֵל מִסְתַּתֵּר אֱלֹהֵי
יִשְׂרָאֵל מוֺשִׁיעַ׃
Jes 45.16
בּוֺשׁוּ וְגַמ־נִכְלְמוּ כֻּלָּם יַחְדָּו
הָלְכוּ בַכְּלִמָּה חָרָשֵׁי צִירִים׃
Jes 45.17
יִשְׂרָאֵל נֺושַׁע בַּיהוָה תְּשׁוּעַת
עוֺלָמִים לֹא־תֵבֹשׁוּ וְלֹא־תִכָּלְמוּ
עַד־עוֺלְמֵי עַד׃ ף
Jes 45.18
כִּי כֹה אָמַר־יְהוָה בּוֺרֵא הַשָּׁמַיִם
הוּא הָאֱלֹהִים יֺצֵר הָאָרֶץ
וְעֹשָׂהּ הוּא כוֺנְנָהּ לֹא־תֹהוּ
בְרָאָהּ לָשֶׁבֶת יְצָרָהּ אֲנִייְהוָה
וְאֵין עוֺד׃
Jes 45.19
לֹא בַסֵּתֶר דִּבַּרְתִּי בִּמְקוֺם אֶרֶץ
חֹשֶׁך לֹא אָמַרְתִּי לְזֶרַע יַעֲקֹב
תֹּהוּ בַקְּשׁוּנִי אֲנִי יְהוָה
דֹּבֵר צֶדֶק מַגִּיד מֵישָׁים׃
Jes 45.20
הִקָּבְצוּ וָבֹאוּ הִתְנַגְּשׁוּ יַחְדָּו
פְּלִיטֵי הַגֺּויִם לֹא יָדְעוּ
הַנֺּשְׂאִים אֶת־עֵץ פִּסְלָם וּמִתְפַּלְלִים
אֶל־אֵל לֹא יֺושִׁיעַ׃
Jes 45.21
הַגִּידוּ וְהַגִּישׁוּ אַף יִוָּעֲצוּ
יַחְדָּו מִי הִשְׁמִיעַ זֺאת מִקֶּדֶם
מֵאָז הִגִּידָהּ הֲלוֺא אֲנִי יְהוָה
וְאֵינ־עוֺד אֱלֹהִים מִבַּלְעָדַי
אֵל־צַדִּיק וּמוֺשִׁיעַ אַיִן זוּלָתִי׃
Jes 45.22
פְּנוּ־אֵלַי וְהִוָּשְׁעוּ כָּל־אַפְסֵי־אָרֶץ
כִּי אֲנִי־אֵל וְאֵין עוֺד׃
Jes 45.23
בִּי נִשְׁבַּעְתִּי יָצָא מִפִּי צְדָקָה
דָּבָר וְלֹא יָשׁוּב כִּי־לִי תִּכְרַע
כָּל־בֶּרֶך תִּשָּׁבַע כָּל־לָשׁוֺן׃
Jes 45.24
אַך בַּיהוָה לִי אָמַר צְדָקוֺת
וָעֹז עָדָיו יָבוֺא וְיֵבֹשׁוּ
כֹּל הַנֶּחֱרִים בּוֺ׃
Jes 45.25
בַּיהוָה יִצְדְּקוּ וְיִתְהַלְלוּ כָּל־זֶרַע
יִשְׂרָאֵל׃

 

 

A témában további forrásokat talál az Arcanum Digitális Tudománytárban

ÉRDEKEL A TÖBBI TALÁLAT