Jes 32

Full text search

Jes 32
Jes 32.1
הֵן לְצֶדֶק יִמְלָכְ־מֶלֶך וּלְשָׂרִים
לְמִשְׁפָּט יָשֹׂרוּ׃
Jes 32.2
וְהָיָה־אִישׁ כְּמַחֲבֵא־רוּחַ וְסֵתֶר
זָרֶם כְּפַלְגֵי־מַיִם בְּצָיֺון
כְּצֵל סֶלַע־כָּבֵד בְּאֶרֶץ עֲיֵפָה׃
Jes 32.3
וְלֹא תִשְׁעֶינָה עֵינֵי רֹאִים
וְאָזְנֵי שֹׁמְעִים תִּקְשַׁבְנָה׃
Jes 32.4
וּלְבַב נִמְהָרִים יָבִין לָדָעַת
וּלְשׁוֺן עִלְּגִים תְּמַהֵר לְדַבֵּר
צָחוֺת׃
Jes 32.5
לֹא־יִקָּרֵא עוֺד לְנָבָל נָדִיב
וּלְכִילַי לֹא יֵאָמֵר שׁוֺעַ׃
Jes 32.6
כִּי נָבָל נְבָלָה יְדַבֵּר וְלִבּוֺ
יַעֲשֶׂה־אָוֶן לַעֲשׂוֺת חֹנֶף וּלְדַבֵּר
אֶל־יְהוָה תּוֺעָה לְהָרִיק נֶפֶשׁ
רָעֵב וּמַשְׁקֶה צָמֵא יַחְסִיר
Jes 32.7
וְכֵלַי כֵּלָיו רָעִים הוּא זִמּוֺת
יָעָץ לְחַבֵּל 1 עֲנָוִים 2 עֲנִיִּים
בְּאִמְרֵי־שֶׁקֶר וּבְדַבֵּר אֶבְיֺון
מִשְׁפָּט׃
Jes 32.8
וְנָדִיב נְדִיבוֺת יָעָץ וְהוּא
עַל־נְדִיבוֺת יָקוּם׃ ף
Jes 32.9
נָשִׁים שַׁאֲנַנֺּות קֹמְנָה שְׁמַעְנָה
קוֺלִי בָּנֺות בֹּטחוֺת הַאְזֵנָּה
אִמְרָתִי׃
Jes 32.10
יָמִים עַל־שָׁנָה תִּרְגַּזְנָה בֹּטְחוֺת
כִּי כָּלָה בָצִיר אֹסֶף בְּלִי יָבוֺא׃
Jes 32.11
חִרְדוּ שַׁאֲנַנֺּות רְגָזָה בֹּטְחוֺת
פְּשֹׁטָה וְעֹרָה וַחֲגֺורָה עַל־חֲלָצָיִם׃
Jes 32.12
עַל־שָׁדַיִם סֹפְדִים עַל־שְׂדֵי־חֶמֶד
עַל־גֶּפֶן פֹּרִיָּה׃
Jes 32.13
עַל אַדְמַת עַמִּי קוֺץ שָׁמִיר
תַּעֲלֶה כִּי עַל־כָּל־בָּתֵּי מָשׂוֺשׂ
קִרְיָה עַלִּיזָה׃
Jes 32.14
כִּי־אַרְמוֺן נֻטָּשׁ הֲמוֺן עִיר
עֻזָּב עֹפֶל וָבַחַן הָיָה בְעַד
מְעָרוֺת עַד־עוֺלָם מְשׂוֺשׂ פְּרָאִים
מִרְעֵה עֲדָרִים׃
Jes 32.15
עַד־יֵעָרֶה עָלֵינוּ רוּחַ מִמָּרוֺם
וְהָיָה מִדְבָּר לַכַּרְמֶל 1 וְכַרְמֶל 2 וְהַכַּרְמֶל
לַיַּעַר יֵחָשֵׁב׃
Jes 32.16
וְשָׁכַן בַּמִּדְבָּר מִשְׁפָּט וּצְדָקָה
בַּכַּרְמֶל תֵּשֵׁב׃
Jes 32.17
וְהָיָה מַעֲשֵׂה הַצְּדָקָה שָׁלוֺם
וַעֲבֹדַת הַצְּדָקָה הַשְׁקֵט וָבֶטַח
עַד־עוֺלָם׃
Jes 32.18
וְיָשַׁב עַמִּי בִּנְוֵה שָׁלוֺם וּבְמִשְׁכְּנֺות
מִבְטַחִים וּבִמְנוּחֹת שַׁאֲנַנֺּות׃
Jes 32.19
וּבָרַד בְּרֶדֶת הַיָּעַר וּבַשִּׁפְלָה
תִּשְׁפַּל הָעִיר׃
Jes 32.20
אַשְׁרֵיכֶם זֺרְעֵי עַל־כָּל־מָיִם
מְשַׁלְּחֵי רֶגֶל־הַשּׁוֺר וְהַחֲמוֺר׃
ס

 

 

A témában további forrásokat talál az Arcanum Digitális Tudománytárban

ÉRDEKEL A TÖBBI TALÁLAT