Ezra 6

Full text search

Ezra 6
Ezra 6.1
בֵּאדַיִן דָּרְיָוֶשׁ מַלְכָּא שָׂם
טְעֵם וּבַקַּרוּ בְּבֵית סִפְרַיָּא
דִּי גִנְזַיָּא מְהַחֲתִין תַּמָּה בְּבָבֶל׃
Ezra 6.2
וְהִשְׁתְּכַח בְּאַחְמְתָא בְּבִירְתָא
דִּי בְּמָדַי מְדִינְתָּה מְגִלָּה חֲדָה
וְכֵנ־כְּתִיב בְּגַוַּהּ דִּכְרוֺנָה׃
ף
Ezra 6.3
בִּשְׁנַת חֲדָה לְכוֺרֶשׁ מַלְכָּא כּוֺרֶשׁ
מַלְכָּא שָׂם טְעֵם בֵּית־אֱלָהָא
בִירוּשְׁלֶם בַּיְתָא יִתְבְּנֵא אֲתַר
דִּי־דָבְחִין דִּבְחִין וְאֻשּׁוֺהִי
מְסוֺבְלִין רוּמֵהּ אַמִּין שִׁתִּין
פְּתָיֵהּ אַמִּין שִׁתִּין׃
Ezra 6.4
נִדְבָּכִין דִּי־אֶבֶן גְּלָל תְּלָתָא
וְנִדְבָּך דִּי־אָע חֲדַת וְנִפְקְתָא
מִנ־בֵּית מַלְכָּא תִּתְיְהִב׃
Ezra 6.5
וְאַף מָאנֵי בֵית־אֱלָהָא דִּי
דַהֲבָה וְכַסְפָּא דִּי נְבוּכַדְנֶצַּר
הַנְפֵּק מִנ־הֵיכְלָא דִי־בִירוּשְׁלֶם
וְהֵיבֵל לְבָבֶל יַהֲתִיבוּן וִיך
לְהֵיכְלָא דִי־בִירוּשְׁלֶם לְאַתְרֵהּ
וְתַחֵת בְּבֵית אֱלָהָא׃ ס
Ezra 6.6
כְּעַן תַּתְּנַי פַּחַת עֲבַר־נַהֲרָה
שְׁתַר בּוֺזְנַי וּכְנָוָתְהוֺן אֲפַרְסְכָיֵא
דִּי בַּעֲבַר נַהֲרָה רַחִיקִין
הֲוֺו מִנ־תַּמָּה׃
Ezra 6.7
שְׁבֻקוּ לַעֲבִידַת בֵּית־אֱלָהָא
דֵך פַּחַת יְהוּדָיֵא וּלְשָׂבֵי יְהוּדָיֵא
בֵּית־אֱלָהָא דֵך יִבְנֺון עַל־אַתְרֵהּ׃
Ezra 6.8
וּמִנִּי שִׂים טְעֵם לְמָא דִי־תַעַבְדוּן
עִמ־שָׂבֵי יְהוּדָיֵא אִלֵּך לְמִבְנֵא
בֵּית־אֱלָהָא דֵך וּמִנִּכְסֵי מַלְכָּא
דִּי מִדַּת עֲבַר הֲרָה אָסְפַּרְנָא
נִפְקְתָא תֶּהֱוֵא מִתְיַהֲבָא לְגֻבְרַיָּא
אִלֵּך דִּי־לָא לְבַטָּלָא׃
Ezra 6.9
וּמָה חַשְׁחָן וּבְנֵי תוֺרִין
וְדִכְרִין וְאִמְּרִין לַעֲלָוָן לֶאֱלָהּ
שְׁמַיָּא חִנְטִין מְלַח חֲמַר וּמְשַׁח
כְּמֵאמַר כָּהֲנַיָּא דִי־ירוּשְׁלֶם
לֶהֱוֵא מִתְיְהֵב לְהֹם יֺום בְּיֺום
דִּי־לָא שָׁלוּ׃
Ezra 6.10
דִּי־לֶהֱוֺן מְהַקְרְבִין נִיחוֺחִין
לֶאֱלָהּ שְׁמַיָּא וּמְצַלַּיִן לְחַיֵּי
מַלְכָּא וּבְנֺוהִי׃
Ezra 6.11
וּמִנִּי שִׂים טְעֵם דִּי כָל־אֱנָשׁ
דִּי יְהַשְׁנֵא פִּתְגָמָא דְנָה יִתְנְסַח
אָע מִנ־בַּיְתֵהּ וּזְקִיף יִתְמְחֵא
עֲלֹהִי וּבַיְתֵהּ נְוָלוּ יִתְעֲבֵד
עַל־דְּנָה׃
Ezra 6.12
וֵאלָהָא דִּי שַׁכִּן שְׁמֵהּ תַּמָּה
יְמַגַּר כָּל־מֶלֶך וְעַם דִּי יִשְׁלַח
יְדֵהּ לְהַשְׁנָיָה לְחַבָּלָה בֵּית־אֱלָהָא
דֵך דִּי בִירוּשְׁם אֲנָה דָרְיָוֶשׁ
שָׂמֶת טְעֵם אָסְפַּרְנָא יִתְעֲבִד׃
ף
Ezra 6.13
אֱדַיִן תַּתְּנַי פַּחַת עֲבַר־נַהֲרָה
שְׁתַר בּוֺזְנַי וּכְנָוָתְהוֺן לָקֳבֵל
דִּי־שְׁלַח דָּרְיָוֶשׁ מַלְכָּא כְּנֵמָא
אָסְפַּרְנָא עֲבַדוּ׃
Ezra 6.14
וְשָׂבֵי יְהוּדָיֵא בָּנַיִן וּמַצְלְחִין
בִּנְבוּאַת חַגַּי 1 נְבִיאָה 2 נְבִיָּא
וּזְכַרְיָה בַּר־עִדּוֺא וּבְנֺו וְשַׁכְלִלוּ
מִנ־טַעַם אֱלָהּ יִשְׂאֵל וּמִטְּעֵם
כּוֺרֶשׁ וְדָרְיָוֶשׁ וְאַרְתַּחְשַׁשְׂתְּא
מֶלֶך פָּרָס׃
Ezra 6.15
וְשֵׁיצִיא בַּיְתָה דְנָה עַד יֺום
תְּלָתָה לִירַח אֲדָר דִּי־הִיא
שְׁנַת־שֵׁת לְמַלְכוּת דָּרְיָוֶשׁ
מַלְכָּא׃ ף
Ezra 6.16
וַעֲבַדוּ בְנֵי־יִשְׂרָאֵל כָּהֲנַיָּא
וְלֵוָיֵא וּשְׁאָר בְּנֵי־גָלוּתָא
חֲנֻכַּת בֵּית־אֱלָהָא דְנָה בְּחֶדְוָה׃
Ezra 6.17
וְהַקְרִבוּ לַחֲנֻכַּת בֵּית־אֱלָהָא
דְנָה תּוֺרִין מְאָה דִּכְרִין מָאתַיִן
אִמְּרִין אַרְבַּע מְאָה וּצְפִירֵי
עִזִּין 1 לְחַטָּיָא 2 לְחַטָּאָה ל־כָּל־יִשְׂרָאֵל
תְּרֵי־עֲשַׂר לְמִנְיָן שִׁבְטֵי יִשְׂרָאֵל׃
Ezra 6.18
וַהֲקִימוּ כָהֲנַיָּא בִּפְלֻגָּתְהוֺן
וְלֵוָיֵא בְּמַחְלְקָתְהוֺן עַל־עֲבִידַת
אֱלָהָא דִּי בִירוּשְׁלֶם כִּכְתָב
סְפַר מֹשֶׁה׃ ף
Ezra 6.19
וַיַּעֲשׂוּ בְנֵי־הַגֺּולָה אֶת־הַפָּסַח
בְּאַרְבָּעָה עָשָׂר לַחֹדֶשׁ הָרִאשׁוֺן׃
Ezra 6.20
כִּי הִטַּהֲרוּ הַכֹּהֲנִים וְהַלְוִיִּם
כְּאֶחָד כֻּלָּם טְהוֺרִים וַיִּשְׁחֲטוּ
הַפֶּסַח לְכָל־בְּנֵי הַגֺּולָה וְלַאֲחֵיהֶם
הַכֹּהֲנִים וְלָהֶם׃
Ezra 6.21
וַיֺּאכְלוּ בְנֵי־יִשְׂרָאֵל הַשָּׁבִים
מֵהַגֺּולָה וְכֹל הַנִּבְדָּל מִטֻּמְאַת
גֺּויֵ־הָאָרֶץ אֲלֵהֶם לִדְרֹשׁ לַיהוָה
אֱלֹהֵי יִשְׂרָאֵל׃
Ezra 6.22
וַיַּעֲשׂוּ חַג־מַצּוֺת שִׁבְעַת יָמִים
בְּשִׂמְחָה כִּי שִׂמְּחָם יְהוָה וְהֵסֵב
לֵב מֶלֶכְ־אַשּׁוּר עֲלֵיהֶם לְחַזֵּק
יְדֵיהֶם בִּמְלֶאכֶת בֵּית־הָאֱלֹהִים
אֱלֹהֵי יִשְׂרָאֵל׃ ף

 

 

A témában további forrásokat talál az Arcanum Digitális Tudománytárban

ÉRDEKEL A TÖBBI TALÁLAT