Ezra 5

Full text search

Ezra 5
Ezra 5.1
וְהִתְנַבִּי חַגַּי 1 נְבִיאָה 2 נְבִיָּא
וּזְכַרְיָה בַר־עִדּוֺא 1 נְבִיאַיָּא 2 נְבִיַּיָּא
עַל־יְהוּדָיֵא דִּי בִיהוּד וּבִירוּשְׁלֶם
בְּשֻׁם אֱלָהּ יִרָאֵל עֲלֵיהוֺן׃
ס
Ezra 5.2
בֵּאדַיִן קָמוּ זְרֻבָּבֶל בַּר־שְׁאַלְתִּיאֵל
וְיֵשׁוּעַ בַּר־יֺוצָדָק וְשָׁרִיו
לְמִבְנֵא בֵּית אֱלָהָא דִּי בִירוּשְׁלֶם
וְעִמְּהוֺן 1 נְבִיאַיָּאנְבִיַּיָּא דִי־אֱלָהָא
מְסָעֲדִין לְהוֺן ף
Ezra 5.3
בֵּהּ־זִמְנָא אֲתָא עֲלֵיהוֺן תַּתְּנַי
פַּחַת עֲבַר־נַהֲרָה וּשְׁתַר בּוֺזְנַי
וּכְנָוָתְהוֺן וְכֵן אָמְרִין לְהֹם
מַנ־שָׂם לְכֹם טְעֵם בַּיְתָא דְנָה
לִבְּנֵא וְאֻשַּׁרְנָא דְנָה לְשַׁכְלָלָה׃
ס
Ezra 5.4
אֱדַיִן כְּנֵמָא אֲמַרְנָא לְּהֹם מַנ־אִנּוּן
שְׁמָהָת גֻּבְרַיָּא דִּי־דְנָה בִנְיָנָא
בָּנַיִן׃
Ezra 5.5
וְעֵין אֱלָהֲהֹם הֲוָת עַל־שָׂבֵי
יְהוּדָיֵא וְלָא־בַטִּלוּ הִמּוֺ עַד־טַעְמָא
לְדָרְיָוֶשׁ יְהָך וֶאֱדַיִן יְתִיבוּן
נִשְׁתְּוָנָא עַל־דְּנָה׃ ף
Ezra 5.6
פַּרְשֶׁגֶן אִגַּרְתָּא דִּי־שְׁלַח תַּתְּנַי
פַּחַת עֲבַר־נַהֲרָה וּשְׁתַר בּוֺזְנַי
וּכְנָוָתֵהּ אֲפַרְסְכָיֵא דִּי בַּעֲבַר
נַהֲרָה עַל־דָּרְיָוֶשׁ מַלְכָּא׃
Ezra 5.7
פִּתְגָמָא שְׁלַחוּ עֲלוֺהִי וְכִדְנָה
כְּתִיב בְּגַוֵּהּ לְדָרְיָוֶשׁ מַלְכָּא
שְׁלָמָא כֹלָּא׃ ס
Ezra 5.8
יְדִיעַ לֶהֱוֵא לְמַלְכָּא דִּי־אֲזַלְנָא
לִיהוּד מְדִינְתָּא לְבֵית אֱלָהָא
רַבָּא וְהוּא מִתְבְּנֵא אֶבֶן גְּלָל
וְאָע מִתְּשָׂם בְּכֻתְיָּא וַעֲבִידְתָּא
דָך אָסְפַּרְנָא מִתְעַבְדָא וּמַצְלַח
בְּיֶדְהֹם׃ ס
Ezra 5.9
אֱדַיִן שְׁאֵלְנָא לְשָׂבַיָּא אִלֵּך
כְּנֵמָא אֲמַרְנָא לְּהֹם מַנ־שָׂם
לְכֹם טְעֵם בַּיְתָא דְנָה לְמִבְנְיָה
וְאֻשַּׁרְנָא דְנָה לְשַׁכְלָלָה׃
Ezra 5.10
וְאַף שְׁמָהָתְהֹם שְׁאֵלְנָא לְהֹם
לְהוֺדָעוּתָך דִּי נִכְתֻּב שֻׁמ־גֻּבְרַיָּא
דִּי בְרָאשֵׁיהֹם׃ ס
Ezra 5.11
וּכְנֵמָא פִתְגָמָא הֲתִיבוּנָא לְמֵמַר
אֲנַחְנָא הִמּוֺ עַבְדוֺהִי דִי־אֱלָהּ
שְׁמַיָּא וְאַרְעָא וּבָנַיִן בַּיְתָא
דִּי־הֲוָא בְנֵה מִקַּדְמַת דְּנָה
שְׁנִין שַׂגִּיאָן וּמֶלֶך לְיִשְׂרָאֵל
רַב בְּנָהִי וְשַׁכְלְלֵהּ׃
Ezra 5.12
לָהֵן מִנ־דִּי הַרְגִּזוּ אֲבָהֳתַנָא
לֶאֱלָהּ שְׁמַיָּא יְהַב הִמּוֺ בְּיַד
נְבוּכַדְנֶצַּר מֶלֶכְ־בָּבֶל 1 כַּסְדָּיָא 2 כַּסְדָּאָה
וּבַיְתָה נָה סַתְרֵהּ וְעַמָּה הַגְלִי
לְבָבֶל׃ ס
Ezra 5.13
בְּרַם בִּשְׁנַת חֲדָה לְכוֺרֶשׁ מַלְכָּא
דִּי בָבֶל כּוֺרֶשׁ מַלְכָּא שָׂם טְעֵם
בֵּית־אֱלָהָא דְנָה לִבְּנֵא׃
Ezra 5.14
וְאַף מָאנַיָּא דִי־בֵית־אֱלָהָא
דִּי דַהֲבָה וְכַסְפָּא דִּי נְבוּכַדְנֶצַּר
הַנְפֵּק מִנ־הֵיכְלָא דִּי בִירוּשְׁלֶם
וְהֵיבֵל הִמּוֺ לְהֵיכְלָא דִּי בָבֶל
הַנְפֵּק הִמּוֺ כּוֺרֶשׁ מַלְכָּא מִנ־הֵיכְלָא
דִּי בָבֶל וִיהִיבוּ לְשֵׁשְׁבַּצַּר
שְׁמֵהּ דִּי פֶחָה שָׂמֵהּ׃
Ezra 5.15
וַאֲמַר־לֵהּ 1 אֵלֶּה 2 אֵל מָאנַיָּא
שֵׂא אֵזֶל־אֲחֵת הִמּוֺ בְּהֵיכְלָא
דִּי בִירוּשְׁלֶם וּבֵית אֱלָהָא
יִתְבְּנֵא עַל־אַתְרֵהּ׃ ס
Ezra 5.16
אֱדַיִן שֵׁשְׁבַּצַּר דֵּך אֲתָא יְהַב
אֻשַּׁיָּא דִּי־בֵית אֱלָהָא דִּי בִירוּשְׁלֶם
וּמִנ־אֱדַיִן וְעַד־כְּעַן מִתְבְּנֵא
וְלָא שְׁלִם׃
Ezra 5.17
וּכְעַן הֵן עַל־מַלְכָּא טָב יִתְבַּקַּר
בְּבֵית גִּנְזַיָּא דִּי־מַלְכָּא תַמָּה
דִּי בְּבָבֶל הֵן אִיתַי דִּי־מִנ־כּוֺרֶשׁ
מַלְכָּא שִׂים טְם לְמִבְנֵא בֵּית־אֱלָהָא
דֵך בִּירוּשְׁלֶם וּרְעוּת מַלְכָּא
עַל־דְּנָה יִשְׁלַח עֲלֶינָא׃ ס

 

 

A témában további forrásokat talál az Arcanum Digitális Tudománytárban

ÉRDEKEL A TÖBBI TALÁLAT