Ez 4

Full text search

Ez 4
Ez 4.1
וְאַתָּה בֶנ־אָדָם קַח־לְךָ לְבֵנָה
וְנָתַתָּה אוֺתָהּ לְפָנֶיךָ וְחַקּוֺתָ
עָלֶיהָ עִיר אֶת־יְרוּשָׁלִָם׃
Ez 4.2
וְנָתַתָּה עָלֶיהָ מָצוֺר וּבָנִיתָ
עָלֶיהָ דָּיֵק וְשָׁפַכְתָּ עָלֶיהָ סֹלְלָה
וְנָתַתָּה עָלֶיהָ מַחֲנֺות וְשִׂימ־עָלֶיהָ
כָּרִים סָבִיב׃
Ez 4.3
וְאַתָּה קַח־לְךָ מַחֲבַת בַּרְזֶל
וְנָתַתָּה אוֺתָהּ קִיר בַּרְזֶל בֵּינְךָ
וּבֵין הָעִיר וַהֲכִינֺתָה אֶת־פָּנֶיךָ
אֵלֶיהָ וְהָיְתָה בַמָּצוֺ וְצַרְתָּ
עָלֶיהָ אוֺת הִיא לְבֵית יִשְׂרָאֵל׃
ס
Ez 4.4
וְאַתָּה שְׁכַב עַל־צִדְּךָ הַשְּׂמָאלִי
וְשַׂמְתָּ אֶת־עֲוֺן בֵּית־יִשְׂרָאֵל
עָלָיו מִסְפַּר הַיָּמִים אֲשֶׁר
תִּשְׁכַּב עָלָיו תִּשָּׂא אֶת־עֲוֺנָם
Ez 4.5
וַאֲנִי נָתַתִּי לְךָ אֶת־שְׁנֵי
עֲוֺנָם לְמִסְפַּר יָמִים שְׁלֹשׁ־מֵאוֺת
וְתִשְׁעִים יֺום וְנָשָׂאתָ עֲוֺן
בֵּית־יִשְׂרָאֵל׃
Ez 4.6
וְכִלִּיתָ אֶת־אֵלֶּה וְשָׁכַבְתָּ עַל־צִדְּךָ 1 הַיְמוֺנִי 2 הַיְמָנִי
שֵׁנִית וְנָשָׂאתָ אֶת־עֲוֺן בֵּית־יְהוּדָה
אַרְבָּעִים יֺום יֺום לַשָּׁנָה יֺומלַשָּׁנָה
נְתַתִּיו לָך׃
Ez 4.7
וְאֶל־מְצוֺר יְרוּשָׁלִַם תָּכִין
פָּנֶיךָ וּזְרֹעֲךָ חֲשׂוּפָה וְנִבֵּאתָ
עָלֶיהָ׃
Ez 4.8
וְהִנֵּה נָתַתִּי עָלֶיךָ עֲבוֺתִים
וְלֹא־תֵהָפֵך מִצִּדְּךָ אֶל־צִדֶּךָ
עַד־כַּלּוֺתְךָ יְמֵי מְצוּרֶךָ׃
Ez 4.9
וְאַתָּה קַח־לְךָ חִטִּין וּשְׂעֹרִים
וּפוֺל וַעֲדָשִׁים וְדֹחַן וְכֻסְּמִים
וְנָתַתָּה אוֺתָם בִּכְלִי אֶחָד וְעָשִׂיתָ
אוֺתָם לְךָ לְלָחֶם מִסְפַּר הַיָּמִים
אֲשֶׁר־אַתָּה שׁוֺכֵב עַל־צִדְּךָ שְׁלֹשׁ־מֵאוֺת
וְתִשְׁעִים יֺום תֹּאכֲלֶנּוּ׃
Ez 4.10
וּמַאֲכָלְךָ אֲשֶׁר תֹּאכֲלֶנּוּ בְּמִשְׁקוֺל
עֶשְׂרִים שֶׁקֶל לַיֺּום מֵעֵת עַד־עֵת
תֹּאכֲלֶנּוּ׃
Ez 4.11
וּמַיִם בִּמְשׂוּרָה תִשְׁתֶּה שִׁשִּׁית
הַהִין מֵעֵת עַד־עֵת תִּשְׁתֶּה׃
Ez 4.12
וְעֻגַת שְׂעֹרִים תֹּאכֲלֶנָּה וְהִיא
בְּגֶלְלֵי צֵאַת הָאָדָם תְּעֻגֶנָה
לְעֵינֵיהֶם׃ ס
Ez 4.13
וַיֺּאמֶר יְהוָה כָּכָה יֺאכְלוּ
בְנֵי־יִשְׂרָאֵל אֶת־לַחְמָם טָמֵא
בַּגֺּויִם אֲשֶׁר אַדִּיחֵם שָׁם׃
Ez 4.14
וָאֹמַר אֲהָהּ אֲדֹנָי יְהוִה הִנֵּה
נַפְשִׁי לֹא מְטֻמָּאָה וּנְבֵלָה וּטְרֵפָה
לֹא־אָכַלְתִּי מִנְּעוּרַי וְעַד־עַתָּה
וְלֹא־בָא בְּפִי בְּשַׂר פִּגּוּל׃
ס
Ez 4.15
וַיֺּאמֶר אֵלַי רְאֵה נָתַתִּי לְךָ
אֶת־צְפוּעֵי 2 צְפִיעֵי הַבָּקָר תַּחַת
גֶּלְלֵי הָאָדָם וְעָשִׂיתָ אֶת־לַחְמְךָ
עֲלֵיהֶם׃ ס
Ez 4.16
וַיֺּאמֶר אֵלַי בֶּנ־אָדָם הִנְנִי
שֹׁבֵר מַטֵּה־לֶחֶם בִּירוּשָׁלִַם וְאָכְלוּ־לֶחֶם
בְּמִשְׁקָל וּבִדְאָגָה וּמַיִם בִּמְשׂוּרָה
וּבְשִׁמָּמוֺן יִשְׁוּ׃
Ez 4.17
לְמַעַן יַחְסְרוּ לֶחֶם וָמָיִם
וְנָשַׁמּוּ אִישׁ וְאָחִיו וְנָמַקּוּ
בַּעֲוֺנָם׃ ף

 

 

A témában további forrásokat talál az Arcanum Digitális Tudománytárban

ÉRDEKEL A TÖBBI TALÁLAT