Ez 26

Full text search

Ez 26
Ez 26.1
וַיְהִי בְּעַשְׁתֵּי־עֶשְׂרֵה שָׁנָה בְּאֶחָד
לַחֹדֶשׁ הָיָה דְבַר־יְהוָה אֵלַי
לֵאמֹר׃
Ez 26.2
בֶּנ־אָדָם יַעַן אֲשֶׁר־אָמְרָה צֹּר
עַל־יְרוּשָׁלִַם הֶאָח נִשְׁבְּרָה
דַּלְתוֺת הָעַמִּים נָסֵבָּה אֵלָי
אִמָּלְאָה הָחֳרָבָה׃
Ez 26.3
לָכֵן כֹּה אָמַר אֲדֹנָי יְהוִה
הִנְנִי עָלַיִך צֹר וְהַעֲלֵיתִי
עָלַיִך גֺּויִם רַבִּים כְּהַעֲלוֺת
הַיָּם לְגַלָּיו׃
Ez 26.4
וְשִׁחֲתוּ חֹמוֺת צֹר וְהָרְסוּ מִגְדָּלֶיהָ
וְסִחֵיתִי עֲפָרָהּ מִמֶּנָּה וְנָתַתִּי
אוֺתָהּ לִצְחִיחַ סָלַע׃
Ez 26.5
מִשְׁטַח חֲרָמִים תִּהְיֶה בְּתוֺך
הַיָּם כִּי אֲנִי דִבַּרְתִּי נְאֻם
אֲדֹנָי יְהוִה וְהָיְתָה לְבַז לַגֺּויִם׃
Ez 26.6
וּבְנֺותֶיהָ אֲשֶׁר בַּשָּׂדֶה בַּחֶרֶב
תֵּהָרַגְנָה וְיָדְעוּ כִּי־אֲנִי יְהוָה׃
ף
Ez 26.7
כִּי כֹה אָמַר אֲדֹנָי יְהוִה
הִנְנִי מֵבִיא אֶל־צֹר נְבוּכַדְרֶאצַּר
מֶלֶכְ־בָּבֶל מִצָּפוֺן מֶלֶך מְלָכִים
בְּסוּס וּבְרֶכֶב וּבְפָרָשִׁים קָהָל
וְעַמ־רָב׃
Ez 26.8
בְּנֺותַיִך בַּשָּׂדֶה בַּחֶרֶב יַהֲרֹג
וְנָתַן עָלַיִך דָּיֵק וְשָׁפַך עָלַיִך
סֹלְלָה וְהֵקִים עָלַיִך צִנָּה׃
Ez 26.9
וּמְחִי קָבָלּוֺ יִתֵּן בְּחֹמוֺתָיִך
וּמִגְדְּלֹתַיִך יִתֹּץ בְּחַרְבוֺתָיו׃
Ez 26.10
מִשִּׁפְעַת סוּסָיו יְכַסֵּך אֲבָקָם
מִקּוֺל פָּרַשׁ וְגַלְגַּל וָרֶכֶב תִּרְעַשְׁנָה
חוֺמוֺתַיִך בְּבֹאוֺ בִּשְׁעָרַיִך
כִּמְבוֺאֵי עִיר מְבֻקָּעָה׃
Ez 26.11
בְּפַרְסוֺת סוּסָיו יִרְמֹס אֶת־כָּל־חוּצוֺתָיִך
עַמֵּך בַּחֶרֶב יַהֲרֹג וּמַצְּבוֺת
עֻזֵּך לָאָרֶץ תֵּרֵד׃
Ez 26.12
וְשָׁלְלוּ חֵילֵך וּבָזְזוּ רְכֻלָּתֵך
וְהָרְסוּ חוֺמוֺתַיִך וּבָתֵּי חֶמְדָּתֵך
יִתֹּצוּ וַאֲבָנַיִך וְעֵצַיִך וַעֲפָרֵך
בְּתוֺך מַם יָשִׂימוּ׃
Ez 26.13
וְהִשְׁבַּתִּי הֲמוֺן שִׁירָיִך וְקוֺל
כִּנֺּורַיִך לֹא יִשָּׁמַע עוֺד׃
Ez 26.14
וּנְתַתִּיך לִצְחִיחַ סֶלַע מִשְׁטַח
חֲרָמִים תִּהְיֶה לֹא תִבָּנֶה עוֺד
כִּי אֲנִי יְהוָה דִּבַּרְתִּי נְאֻם
אֲדֹנָי יְהוִה׃ ס
Ez 26.15
כֹּה אָמַר אֲדֹנָי יְהוִה לְצוֺר
הֲלֹא מִקּוֺל מַפַּלְתֵּך בֶּאֱנֺק חָלָל
בֵּהָרֵג הֶרֶג בְּתוֺכֵך יִרְעֲשׁוּ
הָאִיִּים׃
Ez 26.16
וְיָרְדוּ מֵעַל כִּסְאוֺתָם כֹּל נְשִׂיאֵי
הַיָּם וְהֵסִירוּ אֶת־מְעִילֵיהֶם
וְאֶת־בִּגְדֵי רִקְמָתָם יִפְשֹׁטוּ
חֲרָדוֺת יִלְבָּשׁוּ עַל־הָרֶץ יֵשֵׁבוּ
וְחָרְדוּ לִרְגָעִים וְשָׁמְמוּ עָלָיִך׃
Ez 26.17
וְנָשְׂאוּ עָלַיִך קִינָה וְאָמְרוּ
לָך אֵיך אָבַדְתְּ נֺושֶׁבֶת מִיַּמִּים
הָעִיר הַהֻלָּלָה אֲשֶׁר הָיְתָה
חֲזָקָה בַיָּם הִיא וְיֺשְׁבֶיהָ אֲשֶׁר־נָתְנוּ
חִתִּיתָם לְכָל־יֺושְׁבֶיהָ׃
Ez 26.18
עַתָּה יֶחְרְדוּ הָאִיִּן יֺום מַפַּלְתֵּך
וְנִבְהֲלוּ הָאִיִּים אֲשֶׁר־בַּיָּם
מִצֵּאתֵך׃ ס
Ez 26.19
כִּי כֹה אָמַר אֲדֹנָי יְהוִה בְּתִתִּי
אֹתָך עִיר נֶחֱרֶבֶת כֶּעָרִים אֲשֶׁר
לֹא־נֺושָׁבוּ בְּהַעֲלוֺת עָלַיִך
אֶת־תְּהוֺם וְכִסּוּך הַמַּיִם הָרַבִּים׃
Ez 26.20
וְהוֺרַדְתִּיך אֶת־יֺורְדֵי בוֺר
אֶל־עַם עוֺלָם וְהוֺשַׁבְתִּיך בְּאֶרֶץ
תַּחְתִּיֺּות כָּחֳרָבוֺת מֵעוֺלָם
אֶת־יֺורְדֵי בוֺר לְמַעַן לֹא
תֵשֵׁי וְנָתַתִּי צְבִי בְּאֶרֶץ חַיִּים׃
Ez 26.21
בַּלָּהוֺת אֶתְּנֵך וְאֵינֵך וּתְבֻקְשִׁי
וְלֹא־תִמָּצְאִי עוֺד לְעוֺלָם נְאֻם
אֲדֹנָי יְהֹוִה׃ ס

 

 

A témában további forrásokat talál az Arcanum Digitális Tudománytárban

ÉRDEKEL A TÖBBI TALÁLAT