Dan 1

Full text search

Dan 1
Dan 1.1
בִּשְׁנַת שָׁלוֺשׁ לְמַלְכוּת יְהוֺיָקִים
מֶלֶכְ־יְהוּדָה בָּא נְבוּכַדְנֶאצַּר
מֶלֶכְ־בָּבֶל יְרוּשָׁלִַם וַיָּצַר עָלֶיהָ׃
Dan 1.2
וַיִּתֵּן אֲדֹנָי בְּיָדוֺ אֶת־יְהוֺיָקִים
מֶלֶכְ־יְהוּדָה וּמִקְצָת כְּלֵי בֵית־הָאֱלֹהִים
וַיְבִיאֵם אֶרֶצ־שִׁנְעָר בֵּית
אֱלֹהָיו וְאֶת־הַכֵּלִים הֵבִיא
בֵּית אוֺצַר אֱלֹהָיו׃
Dan 1.3
וַיֺּאמֶר הַמֶּלֶך לְאַשְׁפְּנַז רַב
סָרִיסָיו לְהָבִיא מִבְּנֵי יִשְׂרָאֵל
וּמִזֶּרַע הַמְּלוּכָה וּמִנ־הַפַּרְתְּמִים׃
Dan 1.4
יְלָדִים אֲשֶׁר אֵינ־בָּהֶם כָּל־מְאוּם 2 מוּם
וְטוֺבֵי מַרְאֶה וּמַשְׂכִּילִים
בְּכָל־חָכְמָה וְיֺדְעֵי דַעַת וּמְבִינֵי
מַדָּע וַאֲשֶׁר כֹּחַ הֶם לַעֲמֹד
בְּהֵיכַל הַמֶּלֶך וּלֲלַמְּדָם סֵפֶר
וּלְשׁוֺן כַּשְׂדִּים׃
Dan 1.5
וַיְמַן לָהֶם הַמֶּלֶך דְּבַר־יֺום
בְּיֺומוֺ מִפַּת־בַּג הַמֶּלֶך וּמִיֵּין
מִשְׁתָּיו וּלְגַדְּלָם שָׁנִים שָׁלוֺשׁ
וּמִקְצָתָם יַעַמְדוּ לִפְנֵי הַמֶּלֶך׃
Dan 1.6
וַיְהִי בָהֶם מִבְּנֵי יְהוּדָה
דָּנִיֵּאל חֲנַנְיָה מִישָׁאֵל וַעֲזַרְיָה׃
Dan 1.7
וַיָּשֶׂם לָהֶם שַׂר הַסָּרִיסִים שֵׁמוֺת
וַיָּשֶׂם לְדָנִיֵּאל בֵּלְטְשַׁאצַּר וְלַחֲנַנְיָה
שַׁדְרַך וּלְמִישָׁאֵל מֵישַׁך וְלַעֲזַרְיָה
עֲבֵדנְגֺו׃
Dan 1.8
וַיָּשֶׂם דָּנִיֵּאל עַל־לִבּוֺ אֲשֶׁר
לֹא־יִתְגָּאַל בְּפַתְבַּג הַמֶּלֶך
וּבְיֵין מִשְׁתָּיו וַיְבַקֵּשׁ מִשַּׂר
הַסָּרִיסִים אֲשֶׁר לֹא יִתְגָּאָל
Dan 1.9
וַיִּתֵּן הָאֱלֹהִים אֶת־דָּנִיֵּאל
לְחֶסֶד וּלְרַחֲמִים לִפְנֵי שַׂר
הַסָּרִיסִים׃
Dan 1.10
וַיֺּאמֶר שַׂר הַסָּרִיסִים לְדָנִיֵּאל
יָרֵא אֲנִי אֶת־אֲדֹנִי הַמֶּלֶך
אֲשֶׁר מִנָּה אֶת־מַאֲכַלְכֶם וְאֶת־מִשְׁתֵּיכֶם
אֲשֶׁר לָמָּה יִרְאֶהאֶת־פְּנֵיכֶם
זֺעֲפִים מִנ־הַיְלָדִים אֲשֶׁר
כְּגִילְכֶם וְחִיַּבְתֶּם אֶת־רֹאשִׁי
לַמֶּלֶך׃
Dan 1.11
וַיֺּאמֶר דָּנִיֵּאל אֶל־הַמֶּלְצַר
אֲשֶׁר מִנָּה שַׂר הַסָּרִיסִים עַל־דָּנִיֵּאל
חֲנַנְיָה מִישָׁאֵל וַעֲזַרְיָה׃
Dan 1.12
נַס־נָא אֶת־עֲבָדֶיךָ יָמִים
עֲשָׂרָה וְיִתְּנוּ־לָנוּ מִנ־הַזֵּרֹעִים
וְנֺאכְלָה וּמַיִם וְנִשְׁתֶּה׃
Dan 1.13
וְיֵרָאוּ לְפָנֶיךָ מַרְאֵינוּ וּמַרְאֵה
הַיְלָדִים הָאֹכְלִים אֵת פַּתְבַּג
הַמֶּלֶך וְכַאֲשֶׁר תִּרְאֵה עֲשֵׂה עִמ־עֲבָדֶיךָ׃
Dan 1.14
וַיִּשְׁמַע לָהֶם לַדָּבָר הַזֶּה וַיְנַסֵּם
יָמִים עֲשָׂרָה׃
Dan 1.15
וּמִקְצָת יָמִים עֲשָׂרָה נִרְאָה
מַרְאֵיהֶם טוֺב וּבְרִיאֵי בָּשָׂר
מִנ־כָּל־הַיְלָדִים הָאֹכְלִים אֵת
פַּתְבַּג הַמֶּלֶך׃
Dan 1.16
וַיְהִי הַמֶּלְצַר נֺשֵׂא אֶת־פַּתְבָּגָם
וְיֵין מִשְׁתֵּיהֶם וְנֺתֵן לָהֶם
זֵרְעֹנִים׃
Dan 1.17
וְהַיְלָדִים הָאֵלֶּה אַרְבַּעְתָּם נָתַן
לָהֶם הָאֱלֹהִים מַדָּע וְהַשְׂכֵּל
בְּכָל־סֵפֶר וְחָכְמָה וְדָנִיֵּאל
הֵבִין בְּכָל־חָזֺון וַחֲלֹמוֺת׃
Dan 1.18
וּלְמִקְצָת הַיָּמִים אֲשֶׁר־אָמַר
הַמֶּלֶך לַהֲבִיאָם וַיְבִיאֵם שַׂר
הַסָּרִיסִים לִפְנֵי נְבֻכַדְנֶצַּר׃
Dan 1.19
וַיְדַבֵּר אִתָּם הַמֶּלֶך וְלֹא נִמְצָא
מִכֻּלָּם כְּדָנִיֵּאל חֲנַנְיָה מִישָׁאֵל
וַעֲזַרְיָה וַיַּעַמְדוּ לִפְנֵי הַמֶּלֶך׃
Dan 1.20
וְכֹל דְּבַר חָכְמַת בִּינָה אֲשֶׁר־בִּקֵּשׁ
מֵהֶם הַמֶּלֶך וַיִּמְצָאֵם עֶשֶׂר יָדוֺת
עַל כָּל־הַחַרְטֻמִּים הָאַשָּׁפִים
אֲשֶׁר בְּכָל־מַלְכוּתוֺ׃
Dan 1.21
וַיְהִי דָּנִיֵּאל עַד־שְׁנַת אַחַת
לְכוֺרֶשׁ הַמֶּלֶך׃ ף

 

 

Arcanum Newspapers
Arcanum Newspapers

See what the newspapers have said about this subject in the last 250 years!

Show me

Arcanum logo

Arcanum is an online publisher that creates massive structured databases of digitized cultural contents.

The Company Contact Press room

Languages