Dan 12 | Biblia Hebraica | Reference Library

Dan 12

Dan 12.1

וּבָעֵת הַהִיא יַעֲמֹד מִיכָאֵל
הַשַּׂר הַגָּדוֺל הָעֹמֵד עַל־בְּנֵי
עַמֶּךָ וְהָיְתָה עֵת צָרָה אֲשֶׁר
לֹא־נִהְיְתָה מִהְיֺות גֺּוי עַד
הָעֵת הַהִיא וּבָעֵת הַהִיא יִמָּלֵט
עַמְּךָ כָּל־הַנִּמְצָא כָּתוּב בַּסֵּפֶר׃

Sz K K2 R R2 E D D2 H H# G G# L

Dan 12.2

וְרַבִּים מִיְּשֵׁנֵי אַדְמַת־עָפָר
יָקִיצוּ אֵלֶּה לְחַיֵּי עוֺלָם
וְאֵלֶּה לַחֲרָפוֺת לְדִרְאוֺן עוֺלָם׃
ס

Sz K K2 R R2 E D D2 H H# G G# L

Dan 12.3

וְהַמַּשְׂכִּלִים יַזְהִרוּ כְּזֺהַר הָרָקִיעַ
וּמַצְדִּיקֵי הָרַבִּים כַּכּוֺכָבִים
לְעוֺלָם וָעֶד׃ ף

Sz K K2 R R2 E D D2 H H# G G# L

Dan 12.4

וְאַתָּה דָנִיֵּאל סְתֹם הַדְּבָרִים
וַחֲתֹם הַסֵּפֶר עַד־עֵת קֵץ יְשֹׁטְטוּ
רַבִּים וְתִרְבֶּה הַדָּעַת׃

Sz K K2 R R2 E D D2 H H# G G# L

Dan 12.5

וְרָאִיתִי אֲנִי דָנִיֵּאל וְהִנֵּה
שְׁנַיִם אֲחֵרִים עֹמְדִים אֶחָד
הֵנָּה לִשְׂפַת הַיְאֹר וְאֶחָד הֵנָּה
לִשְׂפַת הַיְאֹר׃

Sz K K2 R R2 E D D2 H H# G G# L

Dan 12.6

וַיֺּאמֶר לָאִישׁ לְבוּשׁ הַבַּדִּים
אֲשֶׁר מִמַּעַל לְמֵימֵי הַיְאֹר עַד־מָתַי
קֵץ הַפְּלָאוֺת׃

Sz K K2 R R2 E D D2 H H# G G# L

Dan 12.7

וָאֶשְׁמַע אֶת־הָאִישׁ לְבוּשׁ הַבַּדִּים
אֲשֶׁר מִמַּעַל לְמֵימֵי הַיְאֹר וַיָּרֶם
יְמִינֺו וּשְׂמֹאלוֺ אֶל־הַשָּׁמַיִם
וַיִּשָּׁבַע בְּחֵי הָעוֺלָם כִּי לְמוֺעֵד
מוֺעֲדִים וָחֵצִי וּכְכַלּוֺת נַפֵּץ
יַד־עַמ־קֹדֶשׁ תִּכְלֶינָה כָל־אֵלֶּה׃