For full functionality of this site (searching, viewing images, maps and pdf files) it is necessary to enable JavaScript. Here are the instructions how to enable JavaScript in your web browser.

2Reg 18

Full text search

2Reg 18

2Reg 18.1

וַיְהִי בִּשְׁנַת שָׁלֹשׁ לְהוֺשֵׁעַ בֶּנ־אֵלָה
מֶלֶך יִשְׂרָאֵל מָלַך חִזְקִיָּה
בֶנ־אָחָז מֶלֶך יְהוּדָה׃

Sz K K2 R R2 E D D2 H H# G G# L

2Reg 18.2

בֶּנ־עֶשְׂרִים וְחָמֵשׁ שָׁנָה הָיָה
בְמָלְכוֺ וְעֶשְׂרִים וָתֵשַׁע שָׁנָה
מָלַך בִּירוּשָׁלִָם וְשֵׁם אִמּוֺ אֲבִי
בַּת־זְכַרְיָה׃

Sz K K2 R R2 E D D2 H H# G G# L

2Reg 18.3

וַיַּעַשׂ הַיָּשָׁר בְּעֵינֵי יְהוָה
כְּכֹל אֲשֶׁר־עָשָׂה דָּוִד אָבִיו׃

Sz K K2 R R2 E D D2 H H# G G# L

2Reg 18.4

הוּא הֵסִיר אֶת־הַבָּמוֺת וְשִׁבַּר
אֶת־הַמַּצֵּבֹת וְכָרַת אֶת־הָאֲשֵׁרָה
וְכִתַּת נְחַשׁ הַנְּחֹשֶׁת אֲשֶׁר־עָשָׂה
מֹשֶׁה כִּי עַד־הַיָּמִים הָהֵמָּה
הָיוּ בְנֵי־יִשְׂרָאֵל מְקַטְּרִים
לוֺ וַיִּקְרָא־לוֺ נְחֻשְׁתָּן׃

Sz K K2 R R2 E D D2 H H# G G# L

2Reg 18.5

בַּיהוָה אֱלֹהֵי־יִשְׂרָאֵל בָּטָח
וְאַחֲרָיו לֹא־הָיָה כָמֹהוּ בְּכֹל
מַלְכֵי יְהוּדָה וַאֲשֶׁר הָיוּ לְפָנָיו׃

Sz K K2 R R2 E D D2 H H# G G# L

2Reg 18.6

וַיִּדְבַּק בַּיהוָה לֹא־סָר מֵאַחֲרָיו
וַיִּשְׁמֹר מִצְוֺתָיו אֲשֶׁר־צִוָּה
יְהוָה אֶת־מֹשֶׁה׃

Sz K K2 R R2 E D D2 H H# G G# L

2Reg 18.7

וְהָיָה יְהוָה עִמּוֺ בְּכֹל אֲשֶׁר־יֵצֵא
יַשְׂכִּיל וַיִּמְרֹד בְּמֶלֶכְ־אַשּׁוּר
וְלֹא עֲבָדוֺ׃

Sz K K2 R R2 E D D2 H H# G G# L

2Reg 18.8

הוּא־הִכָּה אֶת־פְּלִשְׁתִּים עַד־עַזָּה
וְאֶת־גְּבוּלֶיהָ מִמִּגְדַּל נֺוצְרִים
עַד־עִיר מִבְצָר׃ ף

Sz K K2 R R2 E D D2 H H# G G# L

2Reg 18.9

וַיְהִי בַּשָּׁנָה הָרְבִיעִית לַמֶּלֶך
חִזְקִיָּהוּ הִיא הַשָּׁנָה הַשְּׁבִיעִית
לְהוֺשֵׁעַ בֶּנ־אֵלָה מֶלֶך יִשְׂרָאֵל
עָלָה שַׁלְמַנְאֶסֶר מֶלֶ־אַשּׁוּר עַל־שֹׁמְרוֺן
וַיָּצַר עָלֶיהָ׃

Sz K K2 R R2 E D D2 H H# G G# L

2Reg 18.10

וַיִּלְכְּדֻהָ מִקְצֵה שָׁלֹשׁ שָׁנִים
בִּשְׁנַת־שֵׁשׁ לְחִזְקִיָּה הִיא שְׁנַת־תֵּשַׁע
לְהוֺשֵׁעַ מֶלֶך יִשְׂרָאֵל נִלְכְּדָה
שֹׁמְרוֺן׃

Sz K K2 R R2 E D D2 H H# G G# L

2Reg 18.11

וַיֶּגֶל מֶלֶכְ־אַשּׁוּר אֶת־יִשְׂרָאֵל
אַשּׁוּרָה וַיַּנְחֵם בַּחְלַח וּבְחָבוֺר
נְהַר גֺּוזָן וְעָרֵי מָדָי׃

Sz K K2 R R2 E D D2 H H# G G# L

2Reg 18.12

עַל אֲשֶׁר לֹא־שָׁמְעוּ בְּקוֺל
יְהוָה אֱלֹהֵיהֶם וַיַּעַבְרוּ אֶת־בְּרִיתוֺ
אֵת כָּל־אֲשֶׁר צִוָּה מֹשֶׁה עֶבֶד
יְהוָה וְלֹא שָׁמְעוּ וְלֹא עָשׂוּ׃
ף

Sz K K2 R R2 E D D2 H H# G G# L

2Reg 18.13

וּבְאַרְבַּע עֶשְׂרֵה שָׁנָה לַמֶּלֶך
חִזְקִיָּה עָלָה סַנְחֵרִיב מֶלֶכְ־אַשּׁוּר
עַל כָּל־עָרֵי יְהוּדָה הַבְּצֻרוֺת
וַיִּתְפְּשֵׂם׃

Sz K K2 R R2 E D D2 H H# G G# L

2Reg 18.14

וַיִּשְׁלַח חִזְקִיָּה מֶלֶכְ־יְהוּדָה
אֶל־מֶלֶכְ־אַשּׁוּר לָכִישָׁה לֵאמֹר
חָטָאתִי שׁוּב מֵעָלַי אֵת אֲשֶׁר־תִּתֵּן
עָלַי אֶשָּׂא וַיָּשֶׂממֶלֶכְ־אַשּׁוּר
עַל־חִזְקִיָּה מֶלֶכְ־יְהוּדָה שְׁלֹשׁ
מֵאוֺת כִּכַּר־כֶּסֶף וּשְׁלֹשִׁים כִּכַּר
זָהָב׃

Sz K K2 R R2 E D D2 H H# G G# L

2Reg 18.15

וַיִּתֵּן חִזְקִיָּה אֶת־כָּל־הַכֶּסֶף
הַנִּמְצָא בֵית־יְהוָה וּבְאֹצְרוֺת
בֵּית הַמֶּלֶך׃

Sz K K2 R R2 E D D2 H H# G G# L

2Reg 18.16

בָּעֵת הַהִיא קִצַּץ חִזְקִיָּה אֶת־דַּלְתוֺת
הֵיכַל יְהוָה וְאֶת־הָאֹמְנֺות
אֲשֶׁר צִפָּה חִזְקִיָּה מֶלֶך יְהוּדָה
וַיִּתְּנֵם לְמֶלֶך אַשּׁוּר׃ ף

Sz K K2 R R2 E D D2 H H# G G# L

2Reg 18.17

וַיִּשְׁלַח מֶלֶכְ־אַשּׁוּר אֶת־תַּרְתָּן
וְאֶת־רַב־סָרִיס וְאֶת־רַב־שָׁקֵה
מִנ־לָכִישׁ אֶל־הַמֶּלֶך חִזְקִיָּהוּ
בְּחֵיל כָּבֵד יְרוּשָׁלִָם וַיַּעֲלוּ
וַיָּבֹאוּ יְרוּשָׁלִַם וַיַּעֲלוּ וַיָּבֹאוּ
וַיַּעַמְדוּ בִּתְעָלַת הַבְּרֵכָה הָעֶלְיֺונָה
אֲשֶׁר בִּמְסִלַּת שְׂדֵה כוֺבֵס׃

Sz K K2 R R2 E D D2 H H# G G# L

2Reg 18.18

וַיִּקְרְאוּ אֶל־הַמֶּלֶך וַיֵּצֵא אֲלֵהֶם
אֶלְיָקִים בֶּנ־חִלְקִיָּהוּ אֲשֶׁר
עַל־הַבָּיִת וְשֶׁבְנָה הַסֹּפֵר וְיֺואָח
בֶּנ־אָסָף הַמַּזְכִּיר׃

Sz K K2 R R2 E D D2 H H# G G# L

2Reg 18.19

וַיֺּאמֶר אֲלֵהֶם רַב־שָׁקֵה אִמְרוּ־נָא
אֶל־חִזְקִיָּהוּ כֹּה־אָמַר הַמֶּלֶך
הַגָּדוֺל מֶלֶך אַשּׁוּר מָה הַבִּטָּחוֺן
הַזֶּה אֲשֶׁר בָּטָחְתָּ

Sz K K2 R R2 E D D2 H H# G G# L

2Reg 18.20

אָמַרְתָּ אַכְ־דְּבַר־שְׂפָתַיִם עֵצָה
וּגְבוּרָה לַמִּלְחָמָה עַתָּה עַל־מִי
בָטַחְתָּ כִּי מָרַדְתָּ בִּי׃

Sz K K2 R R2 E D D2 H H# G G# L

2Reg 18.21

עַתָּה הִנֵּה בָטַחְתָּ לְּךָ עַל־מִשְׁעֶנֶת
הַקָּנֶה הָרָצוּץ הַזֶּה עַל־מִצְרַיִם
אֲשֶׁר יִסָּמֵך אִישׁ עָלָיו וּבָא
בְכַפּוֺ וּנְקָבָהּ כֵּן פַּרְעֹה מֶלֶכְ־מִצְרַיִם
לְכָל־הַבֹּטְחִים עָלָיו׃

Sz K K2 R R2 E D D2 H H# G G# L

2Reg 18.22

וְכִי־תֹאמְרוּן אֵלַי אֶל־יְהוָה
אֱלֹהֵינוּ בָּטָחְנוּ הֲלוֺא־הוּא
אֲשֶׁר הֵסִיר חִזְקִיָּהוּ אֶת־בָּמֹתָיו
וְאֶת־מִזְבְּחֹתָיו וַיֺּאמֶר לִיהוּדָה
וְלִירוּשָׁלִַם לִפְנֵי הַמִּזְבֵּחַ הַזֶּה
תִּשְׁתַּחֲווּ בִּירוּשָׁלִָם׃

Sz K K2 R R2 E D D2 H H# G G# L

2Reg 18.23

וְעַתָּה הִתְעָרֶב נָא אֶת־אֲדֹנִי
אֶת־מֶלֶך אַשּׁוּר וְאֶתְּנָה לְךָ
אַלְפַּיִם סוּסִים אִמ־תּוּכַל
לָתֶת לְךָ רֹכְבִים עֲלֵיהֶם׃

Sz K K2 R R2 E D D2 H H# G G# L

2Reg 18.24

וְאֵיך תָּשִׁיב אֵת פְּנֵי פַחַת
אַחַד עַבְדֵי אֲדֹנִי הַקְּטַנִּים
וַתִּבְטַח לְךָ עַל־מִצְרַיִם לְרֶכֶב
וּלְפָרָשִׁים׃

Sz K K2 R R2 E D D2 H H# G G# L

2Reg 18.25

עַתָּה הֲמִבַּלְעֲדֵי יְהוָה עָלִיתִי
עַל־הַמָּקוֺם הַזֶּה לְהַשְׁחִתוֺ יְהוָה
אָמַר אֵלַי עֲלֵה עַל־הָאָרֶץ הַזֺּאת
וְהַשְׁחִיתָהּ׃

Sz K K2 R R2 E D D2 H H# G G# L

2Reg 18.26

וַיֺּאמֶר אֶלְיָקִים בֶּנ־חִלְקִיָּהוּ
וְשֶׁבְנָה וְיֺואָח אֶל־רַב־שָׁקֵה
דַּבֶּר־נָא אֶל־עֲבָדֶיךָ אֲרָמִית
כִּי שֹׁמְעִים אֲנָחְנוּ וְאַל־תְּדַבֵּרעִמָּנוּ
יְהוּדִית בְּאָזְנֵי הָעָם אֲשֶׁר
עַל־הַחֹמָה׃

Sz K K2 R R2 E D D2 H H# G G# L

2Reg 18.27

וַיֺּאמֶר אֲלֵיהֶם רַב־שָׁקֵה הַעַל
אֲדֹנֶיךָ וְאֵלֶיךָ שְׁלָחַנִי אֲדֹנִי
לְדַבֵּר אֶת־הַדְּבָרִים הָאֵלֶּה הֲלֹא
עַל־הָאֲנָשִׁים הַיֺּשְׁבִים עַל־הַחֹמָה
לֶאֱכֹל אֶת־חֲרֵיהֶם 2 צוֺאָתָם וְלִשְׁתּוֺת
אֶת־שֵׁינֵיהֶם 2 מֵימֵי 2 רַגְלֵיהֶם
עִמָּכֶם׃

Sz K K2 R R2 E D D2 H H# G G# L

2Reg 18.28

וַיַּעֲמֹד רַב־שָׁקֵה וַיִּקְרָא בְקוֺל־גָּדוֺל
יְהוּדִית וַיְדַבֵּר וַיֺּאמֶר שִׁמְעוּ
דְּבַר־הַמֶּלֶך הַגָּדוֺל מֶלֶך אַשּׁוּר׃

Sz K K2 R R2 E D D2 H H# G G# L

2Reg 18.29

כֹּה אָמַר הַמֶּלֶך אַל־יַשִּׁיא
לָכֶם חִזְקִיָּהוּ כִּי־לֹא יוּכַל
לְהַצִּיל אֶתְכֶם מִיָּדוֺ׃

Sz K K2 R R2 E D D2 H H# G G# L

2Reg 18.30

וְאַל־יַבְטַח אֶתְכֶם חִזְקִיָּהוּ
אֶל־יְהוָה לֵאמֹר הַצֵּל יַצִּילֵנוּ
יְהוָה וְלֹא תִנָּתֵן אֶת־הָעִיר
הַזֺּאת בְּיַד מֶלֶך אַשּׁוּר׃

Sz K K2 R R2 E D D2 H H# G G# L

2Reg 18.31

אַל־תִּשְׁמְעוּ אֶל־חִזְקִיָּהוּ כִּי
כֹה אָמַר מֶלֶך אַשּׁוּר עֲשׂוּ־אִתִּי
בְרָכָה וּצְאוּ אֵלַי וְאִכְלוּ אִישׁ־גַּפְנֺו
וְאִישׁ תְּאֵנָתוֺ שְׁתוּ אִישׁ מֵי־בוֺרוֺ׃

Sz K K2 R R2 E D D2 H H# G G# L

2Reg 18.32

עַד־בֹּאִי וְלָקַחְתִּי אֶתְכֶם אֶל־אֶרֶץ
כְּאַרְצְכֶם אֶרֶץ דָּגָן וְתִירוֺשׁ
אֶרֶץ לֶחֶם וּכְרָמִים אֶרֶץ זֵית
יִצְהָר וּדְבַשׁ וִחְיוּ וְלֹאתָמֻתוּ
וְאַל־תִּשְׁמְעוּ אֶל־חִזְקִיָּהוּ כִּי־יַסִּית
אֶתְכֶם לֵאמֹר יְהוָה יַצִּילֵנוּ׃

Sz K K2 R R2 E D D2 H H# G G# L

2Reg 18.33

הַהַצֵּל הִצִּילוּ אֱלֹהֵי הַגֺּויִם
אִישׁ אֶת־אַרְצוֺ מִיַּד מֶלֶך
אַשּׁוּר׃

Sz K K2 R R2 E D D2 H H# G G# L

2Reg 18.34

אַיֵּה אֱלֹהֵי חֲמָת וְאַרְפָּד אַיֵּה
אֱלֹהֵי סְפַרְוַיִם הֵנַע וְעִוָּה
כִּי־הִצִּילוּ אֶת־שֹׁמְרוֺן מִיָּדִי׃

Sz K K2 R R2 E D D2 H H# G G# L

2Reg 18.35

מִי בְּכָל־אֱלֹהֵי הָאֲרָצוֺת
אֲשֶׁר־הִצִּילוּ אֶת־אַרְצָם מִיָּדִי
כִּי־יַצִּיל יְהוָה אֶת־יְרוּשָׁלִַם
מִיָּדִי׃

Sz K K2 R R2 E D D2 H H# G G# L

2Reg 18.36

וְהֶחֱרִישׁוּ הָעָם וְלֹא־עָנוּ אֹתוֺ
דָּבָר כִּי־מִצְוַת הַמֶּלֶך הִיא
לֵאמֹר לֹא תַעֲנֻהוּ׃

Sz K K2 R R2 E D D2 H H# G G# L

2Reg 18.37

וַיָּבֹא אֶלְיָקִים בֶּנ־חִלְקִיָּה
אֲשֶׁר־עַל־הַבַּיִת וְשֶׁבְנָא הַסֹּפֵר
וְיֺואָח בֶּנ־אָסָף הַמַּזְכִּיר אֶל־חִזְקִיָּהוּ
קְרוּעֵי בְגָדִים וַיַּגִּוּ לוֺ דִּבְרֵי
רַב־שָׁקֵה׃

Sz K K2 R R2 E D D2 H H# G G# L

Arcanum Zeitungen

Arcanum Zeitungen

Sehen Sie, was die Zeitungen in den letzten 250 Jahren zu diesem Thema geschrieben haben!

Arcanum is an online publisher that creates massive structured databases of digitized cultural contents.

Über uns Kontakt Press room

Services

Arcanum Zeitungen

Technologie

Digitalisierung

Historische Karten

Künstliche Intelligenz

Languages

Arcanum Zeitungen

Arcanum Zeitungen
Sehen Sie, was die Zeitungen in den letzten 250 Jahren zu diesem Thema geschrieben haben!