For full functionality of this site (searching, viewing images, maps and pdf files) it is necessary to enable JavaScript. Here are the instructions how to enable JavaScript in your web browser.

1Sam 25

Full text search

1Sam 25

1Sam 25.1

וַיָּמָת שְׁמוּאֵל וַיִּקָּבְצוּ כָל־יִשְׂרָאֵל
וַיִּסְפְּדוּ־לוֺ וַיִּקְבְּרֻהוּ בְּבֵיתוֺ
בָּרָמָה וַיָּקָם דָּוִד וַיֵּרֶד אֶל־מִדְבַּר
פָּארָן׃ ס

Sz K K2 R R2 E D D2 H H# G G# L

1Sam 25.2

וְאִישׁ בְּמָעוֺן וּמַעֲשֵׂהוּ בַכַּרְמֶל
וְהָאִישׁ גָּדוֺל מְאֹד וְלוֺ צֹאן
שְׁלֹשֶׁת־אֲלָפִים וְאֶלֶף עִזִּים
וַיְהִי בִּגְזֺז אֶת־צֹאנֺו בַּכַּרְמֶל׃

Sz K K2 R R2 E D D2 H H# G G# L

1Sam 25.3

וְשֵׁם הָאִישׁ נָבָל וְשֵׁם אִשְׁתּוֺ
אֲבִגָיִל וְהָאִשָּׁה טוֺבַת־שֶׂכֶל
וִיפַת תֹּאַר וְהָאִישׁ קָשֶׁה וְרַע
מַעֲלָלִים וְהוּא 1 כָלֶבוֺ 2 כָלִבִּ׃

Sz K K2 R R2 E D D2 H H# G G# L

1Sam 25.4

וַיִּשְׁמַע דָּוִד בַּמִּדְבָּר כִּי־גֺזֵז
נָבָל אֶת־צֹאנֺו׃

Sz K K2 R R2 E D D2 H H# G G# L

1Sam 25.5

וַיִּשְׁלַח דָּוִד עֲשָׂרָה נְעָרִים
וַיֺּאמֶר דָּוִד לַנְּעָרִים עֲלוּ
כַרְמֶלָה וּבָאתֶם אֶל־נָבָל וּשְׁאֶלְתֶּמ־לוֺ
בִשְׁמִי לְשָׁלוֺם׃

Sz K K2 R R2 E D D2 H H# G G# L

1Sam 25.6

וַאֲמַרְתֶּם כֹּה לֶחָי וְאַתָּה שָׁלוֺם
וּבֵיתְךָ שָׁלוֺם וְכֹל אֲשֶׁר־לְךָ
שָׁלוֺם׃

Sz K K2 R R2 E D D2 H H# G G# L

1Sam 25.7

וְעַתָּה שָׁמַעְתִּי כִּי גֺזְזִים
לָך עַתָּה הָרֹעִים אֲשֶׁר־לְךָ הָיוּ
עִמָּנוּ לֹא הֶכְלַמְנוּם וְלֹא־נִפְקַד
לָהֶם מְאוּמָה כָּל־יְמֵי הֱותָם
בַּכַּרְמֶל׃

Sz K K2 R R2 E D D2 H H# G G# L

1Sam 25.8

שְׁאַל אֶת־נְעָרֶיךָ וְיַגִּידוּ
לָך וְיִמְצְאוּ הַנְּעָרִים חֵן בְּעֵינֶיךָ
כִּי־עַל־יֺום טוֺב בָּנוּ תְּנָה־נָּא
אֵת אֲשֶׁר תִּמְצָא יָדְכָלַעֲבָדֶיךָ
וּלְבִנְךָ לְדָוִד׃

Sz K K2 R R2 E D D2 H H# G G# L

1Sam 25.9

וַיָּבֹאוּ נַעֲרֵי דָוִד וַיְדַבְּרוּ
אֶל־נָבָל כְּכָל־הַדְּבָרִים הָאֵלֶּה
בְּשֵׁם דָּוִד וַיָּנוּחוּ׃

Sz K K2 R R2 E D D2 H H# G G# L

1Sam 25.10

וַיַּעַן נָבָל אֶת־עַבְדֵי דָוִד
וַיֺּאמֶר מִי דָוִד וּמִי בֶנ־יִשָׁי
הַיֺּום רַבּוּ עֲבָדִים הַמִּתְפָּרְצִים
אִישׁ מִפְּנֵי אֲדֹנָיו׃

Sz K K2 R R2 E D D2 H H# G G# L

1Sam 25.11

וְלָקַחְתִּי אֶת־לַחְמִי וְאֶת־מֵימַי
וְאֵת טִבְחָתִי אֲשֶׁר טָבַחְתִּי לְגֺזְזָי
וְנָתַתִּי לַאֲנָשִׁים אֲשֶׁר לֹא
יָדַעְתִּי אֵי מִזֶּה מָּה׃

Sz K K2 R R2 E D D2 H H# G G# L

1Sam 25.12

וַיַּהַפְכוּ נַעֲרֵי־דָוִד לְדַרְכָּם
וַיָּשֻׁבוּ וַיָּבֹאוּ וַיַּגִּדוּ לוֺ
כְּכֹל הַדְּבָרִים הָאֵלֶּה׃

Sz K K2 R R2 E D D2 H H# G G# L

1Sam 25.13

וַיֺּאמֶר דָּוִד לַאֲנָשָׁיו חִגְרוּ
אִישׁ אֶת־חַרְבּוֺ וַיַּחְגְּרוּ אִישׁ
אֶת־חַרְבּוֺ וַיַּחְגֺּר גַּמ־דָּוִד
אֶת־חַרְבּוֺ וַיַּעֲלוּ אַחֲרֵי דָוִד
כְּאַרְבַּע מֵאוֺת אִישׁ וּמָאתַיִם
יָשְׁבוּ עַל־הַכֵּלִים׃

Sz K K2 R R2 E D D2 H H# G G# L

1Sam 25.14

וְלַאֲבִיגַיִל אֵשֶׁת נָבָל הִגִּיד
נַעַר־אֶחָד מֵהַנְּעָרִים לֵאמֹר
הִנֵּה שָׁלַח דָּוִד מַלְאָכִים מֵהַמִּדְבָּר
לְבָרֵך אֶת־אֲדֹנֵינוּ וַיָּעַט בָּהֶם׃

Sz K K2 R R2 E D D2 H H# G G# L

1Sam 25.15

וְהָאֲנָשִׁים טֹבִים לָנוּ מְאֹד
וְלֹא הָכְלַמְנוּ וְלֹא־פָקַדְנוּ
מְאוּמָה כָּל־יְמֵי הִתְהַלַּכְנוּ
אִתָּם בִּהְיֺותֵנוּ בַּשָּׂדֶה׃

Sz K K2 R R2 E D D2 H H# G G# L

1Sam 25.16

חוֺמָה הָיוּ עָלֵינוּ גַּמ־לַיְלָה
גַּמ־יֺומָם כָּל־יְמֵי הֱיֺותֵנוּ
עִמָּם רֹעִים הַצֹּאן׃

Sz K K2 R R2 E D D2 H H# G G# L

1Sam 25.17

וְעַתָּה דְּעִי וּרְאִי מַה־תַּעֲשִׂי
כִּי־כָלְתָה הָרָעָה אֶל־אֲדֹנֵינוּ
וְעַל כָּל־בֵּיתוֺ וְהוּא בֶּנ־בְּלִיַּעַל
מִדַּבֵּר אֵלָיו׃

Sz K K2 R R2 E D D2 H H# G G# L

1Sam 25.18

וַתְּמַהֵר 1 אֲבוֺגַיִל 2 אֲבִיגַיִל וַתִּקַּח
מָאתַיִם לֶחֶם וּשְׁנַיִם נִבְלֵי־יַיִן
וְחָמֵשׁ צֹאן 1 עֲשׂוּוֺת 2 עֲשׂוּיֺות
וְחָמֵשׁ סְאִים קָלִי וּמֵה צִמֻּקִים
וּמָאתַיִם דְּבֵלִים וַתָּשֶׂם עַל־הַחֲמֹרִים׃

Sz K K2 R R2 E D D2 H H# G G# L

1Sam 25.19

וַתֹּאמֶר לִנְעָרֶיהָ עִבְרוּ לְפָנַי
הִנְנִי אַחֲרֵיכֶם בָּאָה וּלְאִישָׁהּ
נָבָל לֹא הִגִּידָה׃

Sz K K2 R R2 E D D2 H H# G G# L

1Sam 25.20

וְהָיָה הִיא רֹכֶבֶת עַל־הַחֲמוֺר
וְיֺרֶדֶת בְּסֵתֶר הָהָר וְהִנֵּה
דָוִד וַאֲנָשָׁיו יֺרְדִים לִקְרָאתָהּ
וַתִּפְגֺּשׁ אֹתָם׃

Sz K K2 R R2 E D D2 H H# G G# L

1Sam 25.21

וְדָוִד אָמַר אַך לַשֶּׁקֶר שָׁמַרְתִּי
אֶת־כָּל־אֲשֶׁר לָזֶה בַּמִּדְבָּר וְלֹא־נִפְקַד
מִכָּל־אֲשֶׁר־לוֺ מְאוּמָה וַיָּשֶׁב־לִי
רָעָה תַּחַת טוֺבָה׃

Sz K K2 R R2 E D D2 H H# G G# L

1Sam 25.22

כֹּה־יַעֲשֶׂה אֱלֹהִים לְאֹיְבֵי
דָוִד וְכֹה יֺסִיף אִמ־אַשְׁאִיר
מִכָּל־אֲשֶׁר־לוֺ עַד־הַבֹּקֶר מַשְׁתִּין
בְּקִיר׃

Sz K K2 R R2 E D D2 H H# G G# L

1Sam 25.23

וַתֵּרֶא אֲבִיגַיִל אֶת־דָּוִד וַתְּמַהֵר
וַתֵּרֶד מֵעַל הַחֲמוֺר וַתִּפֹּל
לְאַפֵּי דָוִד עַל־פָּנֶיהָ וַתִּשְׁתַּחוּ
אָרֶץ׃

Sz K K2 R R2 E D D2 H H# G G# L

1Sam 25.24

וַתִּפֹּל עַל־רַגְלָיו וַתֹּאמֶר
בִּי־אֲנִי אֲדֹנִי הֶעָוֺן וּתְדַבֶּר־נָא
אֲמָתְךָ בְּאָזְנֶיךָ וּשְׁמַע אֵת
דִּבְרֵי אֲמָתֶךָ׃

Sz K K2 R R2 E D D2 H H# G G# L

1Sam 25.25

אַל־נָא יָשִׂים אֲדֹנִי אֶת־לִבּוֺ
אֶל־אִישׁ הַבְּלִיַּעַל הַזֶּה עַל־נָבָל
כִּי כִשְׁמוֺ כֶּנ־הוּא נָבָל שְׁמוֺ
וּנְבָלָה עִמּוֺ וַאֲנִי אֲתְךָ לֹא
רָאִיתִי אֶת־נַעֲרֵי אֲדֹנִי אֲשֶׁר
שָׁלָחְתָּ׃

Sz K K2 R R2 E D D2 H H# G G# L

1Sam 25.26

וְעַתָּה אֲדֹנִי חַי־יְהוָה וְחֵי־נַפְשְׁךָ
אֲשֶׁר מְנָעֲךָ יְהוָה מִבּוֺא בְדָמִים
וְהוֺשֵׁעַ יָדְךָ לָך וְעַתָּה יִהְיוּ
כְנָבָל אֹיְבֶיכָוְהַמְבַקְשִׁים אֶל־אֲדֹנִי
רָעָה׃

Sz K K2 R R2 E D D2 H H# G G# L

1Sam 25.27

וְעַתָּה הַבְּרָכָה הַזֺּאת אֲשֶׁר־הֵבִיא
שִׁפְחָתְךָ לַאדֹנִי וְנִתְּנָה לַנְּעָרִים
הַמִּתְהַלְּכִים בְּרַגְלֵי אֲדֹנִי׃

Sz K K2 R R2 E D D2 H H# G G# L

1Sam 25.28

שָׂא נָא לְפֶשַׁע אֲמָתֶךָ כִּי עָשֹׂה־יַעֲשֶׂה
יְהוָה לַאדֹנִי בַּיִת נֶאֱמָן
כִּי־מִלְחֲמוֺת יְהוָה אֲדֹנִי נִלְחָם
וְרָעָה לֹא־תִמָּצֵא בְךָ מִיָּמֶיךָ׃

Sz K K2 R R2 E D D2 H H# G G# L

1Sam 25.29

וַיָּקָם אָדָם לִרְדָפְךָ וּלְבַקֵּשׁ
אֶת־נַפְשֶׁךָ וְהָיְתָה נֶפֶשׁ אֲדֹנִי
צְרוּרָה בִּצְרוֺר הַחַיִּים אֵת
יְהוָה אֱלֹהֶיךָ וְאֵת נֶפֶשׁ אֹיְבֶיךָ
יְקַלְּעֶנָּה בְּתוֺך כַּף הַקָּלַע׃

Sz K K2 R R2 E D D2 H H# G G# L

1Sam 25.30

וְהָיָה כִּי־יַעֲשֶׂה יְהוָה לַאדֹנִי
כְּכֹל אֲשֶׁר־דִּבֶּר אֶת־הַטּוֺבָה
עָלֶיךָ וְצִוְּךָ לְנָגִיד עַל־יִשְׂרָאֵל׃

Sz K K2 R R2 E D D2 H H# G G# L

1Sam 25.31

וְלֹא תִהְיֶה זֺאת לְךָ לְפוּקָה
וּלְמִכְשׁוֺל לֵב לַאדֹנִי וְלִשְׁפָּכְ־דָּם
חִנָּם וּלְהוֺשִׁיעַ אֲדֹנִי לוֺ
וְהֵיטִב יְהוָה לַאדֹנִי וְזָכַתָּ
אֶת־אֲמָתֶךָ׃ ס

Sz K K2 R R2 E D D2 H H# G G# L

1Sam 25.32

וַיֺּאמֶר דָּוִד לַאֲבִיגַל בָּרוּך
יְהוָה אֱלֹהֵי יִשְׂרָאֵל אֲשֶׁר שְׁלָחֵך
הַיֺּום הַזֶּה לִקְרָאתִי׃

Sz K K2 R R2 E D D2 H H# G G# L

1Sam 25.33

וּבָרוּך טַעְמֵך וּבְרוּכָה אָתְּ
אֲשֶׁר כְּלִתִנִי הַיֺּום הַזֶּה מִבּוֺא
בְדָמִים וְהֹשֵׁעַ יָדִי לִי׃

Sz K K2 R R2 E D D2 H H# G G# L

1Sam 25.34

וְאוּלָם חַי־יְהוָה אֱלֹהֵי יִשְׂרָאֵל
אֲשֶׁר מְנָעַנִי מֵהָרַע אֹתָך כִּי
לוּלֵי מִהַרְתְּ 1 וַתָּבֹאתִי 2 וַתָּבֹאת
לִקְרָאתִי כִּי אִמ־נֺותַר נָבָל
עַד־אוֺר הַבֹּקֶר מַשְׁתִּין בְּקִיר׃

Sz K K2 R R2 E D D2 H H# G G# L

1Sam 25.35

וַיִּקַּח דָּוִד מִיָּדָהּ אֵת אֲשֶׁר־הֵבִיאָה
לוֺ וְלָהּ אָמַר עֲלִי לְשָׁלוֺם
לְבֵיתֵך רְאִי שָׁמַעְתִּי בְקוֺלֵך
וָאֶשָּׂא פָּנָיִך׃

Sz K K2 R R2 E D D2 H H# G G# L

1Sam 25.36

וַתָּבֹא אֲבִיגַיִל אֶל־נָבָל וְהִנֵּה־לוֺ
מִשְׁתֶּה בְּבֵיתוֺ כְּמִשְׁתֵּה הַמֶּלֶך
וְלֵב נָבָל טוֺב עָלָיו וְהוּא
שִׁכֹּר עַד־מְאֹד וְלֹא־הִגִּידָה
לּוֺ דָּבָר קָטֹן וְגָדוֺל עַד־אוֺר
הַבֹּקֶר׃

Sz K K2 R R2 E D D2 H H# G G# L

1Sam 25.37

וַיְהִי בַבֹּקֶר בְּצֵאת הַיַּיִן מִנָּבָל
וַתַּגֶּד־לוֺ אִשְׁתּוֺ אֶת־הַדְּבָרִים
הָאֵלֶּה וַיָּמָת לִבּוֺ בְּקִרְבּוֺ וְהוּא
הָיָה לְאָבֶן׃

Sz K K2 R R2 E D D2 H H# G G# L

1Sam 25.38

וַיְהִי כַּעֲשֶׂרֶת הַיָּמִים וַיִּגֺּף
יְהוָה אֶת־נָבָל וַיָּמֹת׃

Sz K K2 R R2 E D D2 H H# G G# L

1Sam 25.39

וַיִּשְׁמַע דָּוִד כִּי מֵת נָבָל
וַיֺּאמֶר בָּרוּך יְהוָה אֲשֶׁר רָב
אֶת־רִיב חֶרְפָּתִי מִיַּד נָבָל
וְאֶת־עַבְדּוֺ חָשַׂך מֵרָעָה וְאֵת
עַת נָבָל הֵשִׁיב יְהוָה בְּרֹאשׁוֺ
וַיִּשְׁלַח דָּוִד וַיְדַבֵּר בַּאֲבִיגַיִל
לְקַחְתָּהּ לוֺ לְאִשָּׁה׃

Sz K K2 R R2 E D D2 H H# G G# L

1Sam 25.40

וַיָּבֹאוּ עַבְדֵי דָוִד אֶל־אֲבִיגַיִל
הַכַּרְמֶלָה וַיְדַבְּרוּ אֵלֶיהָ לֵאמֹר
דָּוִד שְׁלָחָנוּ אֵלַיִך לְקַחְתֵּך
לוֺ לְאִשָּׁה׃

Sz K K2 R R2 E D D2 H H# G G# L

1Sam 25.41

וַתָּקָם וַתִּשְׁתַּחוּ אַפַּיִם אָרְצָה
וַתֹּאמֶר הִנֵּה אֲמָתְךָ לְשִׁפְחָה
לִרְחֹץ רַגְלֵי עַבְדֵי אֲדֹנִי׃

Sz K K2 R R2 E D D2 H H# G G# L

1Sam 25.42

וַתְּמַהֵר וַתָּקָם אֲבִיגַיִל וַתִּרְכַּב
עַל־הַחֲמוֺר וְחָמֵשׁ נַעֲרֹתֶיהָ
הַהֹלְכוֺת לְרַגְלָהּ וַתֵּלֶך אַחֲרֵי
מַלְאֲכֵי דָוִד וַתְּהִי־לוֺ לְאִשָּׁה׃

Sz K K2 R R2 E D D2 H H# G G# L

1Sam 25.43

וְאֶת־אֲחִינֺעַם לָקַח דָּוִד מִיִּזְרְעֶאל
וַתִּהְיֶיןָ גַּמ־שְׁתֵּיהֶן לוֺ לְנָשִׁים׃
ס

Sz K K2 R R2 E D D2 H H# G G# L

1Sam 25.44

וְשָׁאוּל נָתַן אֶת־מִיכַל בִּתּוֺ
אֵשֶׁת דָּוִד לְפַלְטִי בֶנ־לַיִשׁ
אֲשֶׁר מִגַּלִּים׃

Sz K K2 R R2 E D D2 H H# G G# L

Arcanum Zeitungen

Arcanum Zeitungen

Sehen Sie, was die Zeitungen in den letzten 250 Jahren zu diesem Thema geschrieben haben!

Arcanum is an online publisher that creates massive structured databases of digitized cultural contents.

Über uns Kontakt Press room

Services

Arcanum Zeitungen

Technologie

Digitalisierung

Historische Karten

Künstliche Intelligenz

Languages

Arcanum Zeitungen

Arcanum Zeitungen
Sehen Sie, was die Zeitungen in den letzten 250 Jahren zu diesem Thema geschrieben haben!