For full functionality of this site (searching, viewing images, maps and pdf files) it is necessary to enable JavaScript. Here are the instructions how to enable JavaScript in your web browser.

Jud 19

Full text search

Jud 19

Jud 19.1

וַיְהִי בַּיָּמִים הָהֵם וּמֶלֶך אֵין
בְּיִשְׂרָאֵל וַיְהִי אִישׁ לֵוִי גָּר
בְּיַרְכְּתֵי הַר־אֶפְרַיִם וַיִּקַּח־לוֺ
אִשָּׁה פִילֶגֶשׁ מִבֵּי לֶחֶם יְהוּדָה׃

Sz K K2 R R2 E D D2 H H# G G# L

Jud 19.2

וַתִּזְנֶה עָלָיו פִּילַגְשׁוֺ וַתֵּלֶך
מֵאִתּוֺ אֶל־בֵּית אָבִיהָ אֶל־בֵּית
לֶחֶם יְהוּדָה וַתְּהִי־שָׁם יָמִים
אַרְבָּעָה חֳדָשִׁים׃

Sz K K2 R R2 E D D2 H H# G G# L

Jud 19.3

וַיָּקָם אִישָׁהּ וַיֵּלֶך אַחֲרֶיהָ
לְדַבֵּר עַל־לִבָּהּ 1 לַהֲשִׁיבוֺ 2 לַהֲשִׁיבָהּ
וְנַעֲרוֺ עִמּוֺ וְצֶמֶד חֲמֹרִים
וַתְּבִיאֵהוּ בֵּית אָבִהָ וַיִּרְאֵהוּ
אֲבִי הַנַּעֲרָה וַיִּשְׂמַח לִקְרָאתוֺ׃

Sz K K2 R R2 E D D2 H H# G G# L

Jud 19.4

וַיֶּחֱזַק־בּוֺ חֹתְנֺו אֲבִי הַנַּעֲרָה
וַיֵּשֶׁב אִתּוֺ שְׁלֹשֶׁת יָמִים וַיֺּאכְלוּ
וַיִּשְׁתּוּ וַיָּלִינוּ שָׁם׃

Sz K K2 R R2 E D D2 H H# G G# L

Jud 19.5

וַיְהִי בַּיֺּום הָרְבִיעִי וַיַּשְׁכִּימוּ
בַבֹּקֶר וַיָּקָם לָלֶכֶת וַיֺּאמֶר
אֲבִי הַנַּעֲרָה אֶל־חֲתָנֺו סְעָד
לִבְּךָ פַּת־לֶחֶם וְאַחַרתֵּלֵכוּ׃

Sz K K2 R R2 E D D2 H H# G G# L

Jud 19.6

וַיֵּשְׁבוּ וַיֺּאכְלוּ שְׁנֵיהֶם יַחְדָּו
וַיִּשְׁתּוּ וַיֺּאמֶר אֲבִי הַנַּעֲרָה
אֶל־הָאִישׁ הוֺאֶל־נָא וְלִין
וְיִטַב לִבֶּךָ׃

Sz K K2 R R2 E D D2 H H# G G# L

Jud 19.7

וַיָּקָם הָאִישׁ לָלֶכֶת וַיִּפְצַר־בּוֺ
חֹתְנֺו וַיָּשָׁב וַיָּלֶן שָׁם׃

Sz K K2 R R2 E D D2 H H# G G# L

Jud 19.8

וַיַּשְׁכֵּם בַּבֹּקֶר בַּיֺּום הַחֲמִישִׁי
לָלֶכֶת וַיֺּאמֶר אֲבִי הַנַּעֲרָה
סְעָד־נָא לְבָבְךָ וְהִתְמַהְמְהוּ
עַד־נְטוֺת הַיֺּום וַיֺּאכְלוּ שְׁנֵיהֶם׃

Sz K K2 R R2 E D D2 H H# G G# L

Jud 19.9

וַיָּקָם הָאִישׁ לָלֶכֶת הוּא וּפִילַגְשׁוֺ
וְנַעֲרוֺ וַיֺּאמֶר לוֺ חֹתְנֺו אֲבִי
הַנַּעֲרָה הִנֵּה נָא רָפָה הַיֺּום
לַעֲרֹב לִינוּ־נָא הִנֵּה חֲנֺות
הַיֺּום לִין פֹּה וְיִיטַב לְבָבֶךָ
וְהִשְׁכַּמְתֶּם מָחָר לְדַרְכְּכֶם וְהָלַכְתָּ
לְאֹהָלֶךָ׃

Sz K K2 R R2 E D D2 H H# G G# L

Jud 19.10

וְלֹא־אָבָה הָאִישׁ לָלוּן וַיָּקָם
וַיֵּלֶך וַיָּבֹא עַד־נֺכַח יְבוּס
הִיא יְרוּשָׁלִָם וְעִמּוֺ צֶמֶד חֲמוֺרִים
חֲבוּשִׁים וּפִילַגְשׁוֺ עִםֹ׃

Sz K K2 R R2 E D D2 H H# G G# L

Jud 19.11

הֵם עִמ־יְבוּס וְהַיֺּום רַד מְאֹד
וַיֺּאמֶר הַנַּעַר אֶל־אֲדֹנָיו
לְכָה־נָּא וְנָסוּרָה אֶל־עִיר־הַיְבוּסִי
הַזֺּאת וְנָלִין בָּהּ׃

Sz K K2 R R2 E D D2 H H# G G# L

Jud 19.12

וַיֺּאמֶר אֵלָיו אֲדֹנָיו לֹא נָסוּר
אֶל־עִיר נָכְרִי אֲשֶׁר לֹא־מִבְּנֵי
יִשְׂרָאֵל הֵנָּה וְעָבַרְנוּ עַד־גִּבְעָה׃

Sz K K2 R R2 E D D2 H H# G G# L

Jud 19.13

וַיֺּאמֶר לְנַעֲרוֺ 1 לֵך 2 לְכָה וְנִקְרְבָה
בְּאַחַד הַמְּקֹמוֺת וְלַנּוּ בַגִּבְעָה
אוֺ בָרָמָה׃

Sz K K2 R R2 E D D2 H H# G G# L

Jud 19.14

וַיַּעַבְרוּ וַיֵּלֵכוּ וַתָּבֹא לָהֶם
הַשֶּׁמֶשׁ אֵצֶל הַגִּבְעָה אֲשֶׁר לְבִנְיָמִן׃

Sz K K2 R R2 E D D2 H H# G G# L

Jud 19.15

וַיָּסֻרוּ שָׁם לָבוֺא לָלוּן בַּגִּבְעָה
וַיָּבֹא וַיֵּשֶׁב בִּרְחוֺב הָעִיר
וְאֵין אִישׁ מְאַסֵּפ־אוֺתָם הַבַּיְתָה
לָלוּן׃

Sz K K2 R R2 E D D2 H H# G G# L

Jud 19.16

וְהִנֵּה אִישׁ זָקֵן בָּא מִנ־מַעֲשֵׂהוּ
מִנ־הַשָּׂדֶה בָּעֶרֶב וְהָאִישׁ מֵהַר
אֶפְרַיִם וְהוּא־גָר בַּגִּבְעָה וְאַנְשֵׁי
הַמָּקוֺם בְּנֵי יְמִינִי׃

Sz K K2 R R2 E D D2 H H# G G# L

Jud 19.17

וַיִּשָּׂא עֵינָיו וַיַּרְא אֶת־הָאִישׁ
הָאֹרֵחַ בִּרְחֹב הָעִיר וַיֺּאמֶר
הָאִישׁ הַזָּקֵן אָנָה תֵלֵך וּמֵאַיִן
תָּבוֺא׃

Sz K K2 R R2 E D D2 H H# G G# L

Jud 19.18

וַיֺּאמֶר אֵלָיו עֹבְרִים אֲנַחְנוּ
מִבֵּית־לֶחֶם יְהוּדָה עַד־יַרְכְּתֵי
הַר־אֶפְרַיִם מִשָּׁם אָנֺכִי וָאֵלֵך
עַד־בֵּית לֶחֶם יְהוּדָה וְאֶת־בֵּית
יְהוָה אֲנִי הֹלֵך וְאֵין אִישׁ
מְאַסֵּף אוֺתִי הַבָּיְתָה׃

Sz K K2 R R2 E D D2 H H# G G# L

Jud 19.19

וְגַמ־תֶּבֶן גַּמ־מִסְפּוֺא יֵשׁ
לַחֲמוֺרֵינוּ וְגַם לֶחֶם וָיַיִן
יֶשׁ־לִי וְלַאֲמָתֶךָ וְלַנַּעַר עִמ־עֲבָדֶיךָ
אֵין מַחְסוֺר כָּל־דָּבָר׃

Sz K K2 R R2 E D D2 H H# G G# L

Jud 19.20

וַיֺּאמֶר הָאִישׁ הַזָּקֵן שָׁלוֺם
לָך רַק כָּל־מַחְסוֺרְךָ עָלָי רַק
בָּרְחוֺב אַל־תָּלַן׃

Sz K K2 R R2 E D D2 H H# G G# L

Jud 19.21

וַיְבִיאֵהוּ לְבֵיתוֺ 1 וַיִּבּוֺל 2 וַיָּבָל
לַחֲמוֺרִים וַיִּרְחֲצוּ רַגְלֵיהֶם
וַיֺּאכְלוּ וַיִּשְׁתּוּ׃

Sz K K2 R R2 E D D2 H H# G G# L

Jud 19.22

הֵמָּה מֵיטִיבִים אֶת־לִבָּם וְהִנֵּה
אַנְשֵׁי הָעִיר אַנְשֵׁי בְנֵי־בְלִיַּעַל
נָסַבּוּ אֶת־הַבַּיִת מִתְדַּפְּקִים
עַל־הַדָּלֶת וַיֺּאמְרוּ אֶלהָאִישׁ
בַּעַל הַבַּיִת הַזָּקֵן לֵאמֹר הוֺצֵא
אֶת־הָאִישׁ אֲשֶׁר־בָּא אֶל־בֵּיתְךָ
וְנֵדָעֶנּוּ׃

Sz K K2 R R2 E D D2 H H# G G# L

Jud 19.23

וַיֵּצֵא אֲלֵיהֶם הָאִישׁ בַּעַל
הַבַּיִת וַיֺּאמֶר אֲלֵהֶם אַל־אַחַי
אַל־תָּרֵעוּ נָא אַחֲרֵי אֲשֶׁר־בָּא
הָאִישׁ הַזֶּה אַל־בֵּיתִי אַל־תַּעֲשׂוּ
אֶת־הַנְּבָלָה הַזֺּאת׃

Sz K K2 R R2 E D D2 H H# G G# L

Jud 19.24

הִנֵּה בִתִּי הַבְּתוּלָה וּפִילַגְשֵׁהוּ
אוֺצִיאָה־נָּא אוֺתָם וְעַנּוּ אוֺתָם
וַעֲשׂוּ לָהֶם הַטּוֺב בְּעֵינֵיכֶם
וְלָאִישׁ הַזֶּה לֹא תַעֲשׂ דְּבַר
הַנְּבָלָה הַזֺּאת׃

Sz K K2 R R2 E D D2 H H# G G# L

Jud 19.25

וְלֹא־אָבוּ הָאֲנָשִׁים לִשְׁמֹעַ לוֺ
וַיַּחֲזֵק הָאִישׁ בְּפִילַגְשׁוֺ וַיֺּצֵא
אֲלֵיהֶם הַחוּץ וַיֵּדְעוּ אוֺתָהּ
וַיִּתְעַלְּלוּ־בָהּ כָּל־הַלַּיְלָה עַד־הַבֹּקֶר
וַיְשַׁלְּחוּהָ 1 בַּעֲלוֺת 2 כַּעֲלוֺת
הַשָּׁחַר׃

Sz K K2 R R2 E D D2 H H# G G# L

Jud 19.26

וַתָּבֹא הָאִשָּׁה לִפְנֺות הַבֹּקֶר
וַתִּפֹּל פֶּתַח בֵּית־הָאִישׁ אֲשֶׁר־אֲדוֺנֶיהָ
שָּׁם עַד־הָאוֺר׃

Sz K K2 R R2 E D D2 H H# G G# L

Jud 19.27

וַיָּקָם אֲדֹנֶיהָ בַּבֹּקֶר וַיִּפְתַּח
דַּלְתוֺת הַבַּיִת וַיֵּצֵא לָלֶכֶת
לְדַרְכּוֺ וְהִנֵּה הָאִשָּׁה פִילַגְשׁוֺ
נֺפֶלֶת פֶּתַח הַבַּיִת יָדֶיהָ עַל־הַסַּף׃

Sz K K2 R R2 E D D2 H H# G G# L

Jud 19.28

וַיֺּאמֶר אֵלֶיהָ קוּמִי וְנֵלֵכָה
וְאֵין עֹנֶה וַיִּקָּחֶהָ עַל־הַחֲמוֺר
וַיָּקָם הָאִישׁ וַיֵּלֶך לִמְקֹמוֺ׃

Sz K K2 R R2 E D D2 H H# G G# L

Jud 19.29

וַיָּבֹא אֶל־בֵּיתוֺ וַיִּקַּח אֶת־הַמַּאֲכֶלֶת
וַיַּחֲזֵק בְּפִילַגְשׁוֺ וַיְנַתְּחֶהָ
לַעֲצָמֶיהָ לִשְׁנֵים עָשָׂר נְתָחִים
וַיְשַׁלְּחֶהָ בְּכֹל גְּבוּל יִשְׂרָאֵל׃

Sz K K2 R R2 E D D2 H H# G G# L

Jud 19.30

וְהָיָה כָל־הָרֹאֶה וְאָמַר לֹא־נִהְיְתָה
וְלֹא־נִרְאֲתָה כָּזֺאת לְמִיֺּום
עֲלוֺת בְּנֵי־יִשְׂרָאֵל מֵאֶרֶץ מִצְרַיִם
עַד הַיֺּום הַזֶּה שִׂמוּ־לָכֶם
עָלֶיהָ עֻצוּ וְדַבֵּרוּ׃ ף

Sz K K2 R R2 E D D2 H H# G G# L

Arcanum Zeitungen

Arcanum Zeitungen

Sehen Sie, was die Zeitungen in den letzten 250 Jahren zu diesem Thema geschrieben haben!

Arcanum is an online publisher that creates massive structured databases of digitized cultural contents.

Über uns Kontakt Press room

Services

Arcanum Zeitungen

Technologie

Digitalisierung

Historische Karten

Künstliche Intelligenz

Languages

Arcanum Zeitungen

Arcanum Zeitungen
Sehen Sie, was die Zeitungen in den letzten 250 Jahren zu diesem Thema geschrieben haben!