For full functionality of this site (searching, viewing images, maps and pdf files) it is necessary to enable JavaScript. Here are the instructions how to enable JavaScript in your web browser.

Jud 15

Full text search

Jud 15

Jud 15.1

וַיְהִי מִיָּמִים בִּימֵי קְצִיר־חִטִּים
וַיִּפְקֹד שִׁמְשׁוֺן אֶת־אִשְׁתּוֺ
בִּגְדִי עִזִּים וַיֺּאמֶר אָבֹאָה
אֶל־אִשְׁתִּי הֶחָדְרָה וְלֹא־נְתָנֺו
אָבִיהָ לָבוֺא׃

Sz K K2 R R2 E D D2 H H# G G# L

Jud 15.2

וַיֺּאמֶר אָבִיהָ אָמֹר אָמַרְתִּי
כִּי־שָׂנֺא שְׂנֵאתָהּ וָאֶתְּנֶנָּה לְמֵרֵעֶךָ
הֲלֹא אֲחֹתָהּ הַקְּטַנָּה טוֺבָה
מִמֶּנָּה תְּהִי־נָא לְךָ תַּחְתֶּיהָ׃

Sz K K2 R R2 E D D2 H H# G G# L

Jud 15.3

וַיֺּאמֶר לָהֶם שִׁמְשׁוֺן נִקֵּיתִי
הַפַּעַם מִפְּלִשְׁתִּים כִּי־עֹשֶׂה אֲנִי
עִמָּם רָעָה׃

Sz K K2 R R2 E D D2 H H# G G# L

Jud 15.4

וַיֵּלֶך שִׁמְשׁוֺן וַיִּלְכֹּד שְׁלֹשׁ־מֵאוֺת
שׁוּעָלִים וַיִּקַּח לַפִּדִים וַיֶּפֶן
זָנָב אֶל־זָנָב וַיָּשֶׂם לַפִּיד
אֶחָד בֵּינ־שְׁנֵי הַזְּנָבוֺת בַּתָּוֶך׃

Sz K K2 R R2 E D D2 H H# G G# L

Jud 15.5

וַיַּבְעֶר־אֵשׁ בַּלַּפִּידִים וַיְשַׁלַּח
בְּקָמוֺת פְּלִשְׁתִּים וַיַּבְעֵר מִגָּדִישׁ
וְעַד־קָמָה וְעַד־כֶּרֶם זָיִת׃

Sz K K2 R R2 E D D2 H H# G G# L

Jud 15.6

וַיֺּאמְרוּ פְלִשְׁתִּים מִי עָשָׂה
זֺאת וַיֺּאמְרוּ שִׁמְשׁוֺן חֲתַן
הַתִּמְנִי כִּי לָקַח אֶת־אִשְׁתּוֺ
וַיִּתְּנָהּ לְמֵרֵעֵהוּ וַיַּעֲלוּ פְלִשְׁתִּים
וַיִּשְׂרְפוּ אוֺתָהּ וְאֶת־אָבִיהָ
בָּאֵשׁ׃

Sz K K2 R R2 E D D2 H H# G G# L

Jud 15.7

וַיֺּאמֶר לָהֶם שִׁמְשׁוֺן אִמ־תַּעֲשׂוּן
כָּזֺאת כִּי אִמ־נִקַּמְתִּי בָכֶם
וְאַחַר אֶחְדָּל׃

Sz K K2 R R2 E D D2 H H# G G# L

Jud 15.8

וַיַּך אוֺתָם שׁוֺק עַל־יָרֵך מַכָּה
גְדוֺלָה וַיֵּרֶד וַיֵּשֶׁב בִּסְעִיף
סֶלַע עֵיטָם׃ ס

Sz K K2 R R2 E D D2 H H# G G# L

Jud 15.9

וַיַּעֲלוּ פְלִשְׁתִּים וַיַּחֲנוּ בִּיהוּדָה
וַיִּנָּטְשׁוּ בַּלֶּחִי׃

Sz K K2 R R2 E D D2 H H# G G# L

Jud 15.10

וַיֺּאמְרוּ אִישׁ יְהוּדָה לָמָה
עֲלִיתֶם עָלֵינוּ וַיֺּאמְרוּ לֶאֱסוֺר
אֶת־שִׁמְשׁוֺן עָלִינוּ לַעֲשׂוֺת
לוֺ כַּאֲשֶׁר עָשָׂה לָנוּ׃

Sz K K2 R R2 E D D2 H H# G G# L

Jud 15.11

וַיֵּרְדוּ שְׁלֹשֶׁת אֲלָפִים אִישׁ
מִיהוּדָה אֶל־סְעִיף סֶלַע עֵיטָם
וַיֺּאמְרוּ לְשִׁמְשׁוֺן הֲלֹא יָדַעְתָּ
כִּי־מֹשְׁלִים בָּנוּ פְּלִשְׁתִּם וּמַה־זֺּאת
עָשִׂיתָ לָּנוּ וַיֺּאמֶר לָהֶם כַּאֲשֶׁר
עָשׂוּ לִי כֵּן עָשִׂיתִי לָהֶם׃

Sz K K2 R R2 E D D2 H H# G G# L

Jud 15.12

וַיֺּאמְרוּ לוֺ לֶאֱסָרְךָ יָרַדְנוּ
לְתִתְּךָ בְּיַד־פְּלִשְׁתִּים וַיֺּאמֶר
לָהֶם שִׁמְשׁוֺן הִשָּׁבְעוּ לִי פֶּנ־תִּפְגְּעוּן
בִּי אַתֶּם׃

Sz K K2 R R2 E D D2 H H# G G# L

Jud 15.13

וַיֺּאמְרוּ לוֺ לֵאמֹר לֹא כִּי־אָסֹר
נֶאֱסָרְךָ וּנְתַנּוּךָ בְיָדָם וְהָמֵת
לֹא נְמִיתֶךָ וַיַּאַסְרֻהוּ בִּשְׁנַיִם
עֲבֹתִים חֲדָשִׁים יַּעֲלוּהוּ מִנ־הַסָּלַע׃

Sz K K2 R R2 E D D2 H H# G G# L

Jud 15.14

הוּא־בָא עַד־לֶחִי וּפְלִשְׁתִּים
הֵרִיעוּ לִקְרָאתוֺ וַתִּצְלַח עָלָיו
רוּחַ יְהוָה וַתִּהְיֶינָה הָעֲבֹתִים
אֲשֶׁר עַל־זְרוֺעוֺתָיו כַּפִּשְׁתִּים
אֲשֶׁר בָּעֲרוּ בָאֵשׁ וַיִּמַּסּוּ אֱסוּרָיו
מֵעַל יָדָיו׃

Sz K K2 R R2 E D D2 H H# G G# L

Jud 15.15

וַיִּמְצָא לְחִי־חֲמוֺר טְרִיָּה וַיִּשְׁלַח
יָדוֺ וַיִּקָּחֶהָ וַיַּכְ־בָּהּ אֶלֶף
אִישׁ׃

Sz K K2 R R2 E D D2 H H# G G# L

Jud 15.16

וַיֺּאמֶר שִׁמְשׁוֺן בִּלְחִי הַחֲמוֺר
חֲמוֺר חֲמֹרָתָיִם בִּלְחִי הַחֲמוֺר
הִכֵּיתִי אֶלֶף אִישׁ׃

Sz K K2 R R2 E D D2 H H# G G# L

Jud 15.17

וַיְהִי כְּכַלֹּתוֺ לְדַבֵּר וַיַּשְׁלֵך
הַלְּחִי מִיָּדוֺ וַיִּקְרָא לַמָּקוֺם
הַהוּא רָמַת לֶחִי׃

Sz K K2 R R2 E D D2 H H# G G# L

Jud 15.18

וַיִּצְמָא מְאֹד וַיִּקְרָא אֶל־יְהוָה
וַיֺּאמַר אַתָּה נָתַתָּ בְיַד־עַבְדְּךָ
אֶת־הַתְּשׁוּעָה הַגְּדֹלָה הַזֺּאת
וְעַתָּה אָמוּת בַּצָּמָא וְנָפַתִּי
בְּיַד הָעֲרֵלִים׃

Sz K K2 R R2 E D D2 H H# G G# L

Jud 15.19

וַיִּבְקַע אֱלֹהִים אֶת־הַמַּכְתֵּשׁ
אֲשֶׁר־בַּלֶּחִי וַיֵּצְאוּ מִמֶּנּוּ
מַיִם וַיֵּשְׁתְּ וַתָּשָׁב רוּחוֺ וַיֶּחִי
עַל־כֵּן קָרָא שְׁמָהּ עֵין הַקּוֺרֵא
אֲשֶׁר בַּלֶּחִי עַד הַיֺּום הַזֶּה׃

Sz K K2 R R2 E D D2 H H# G G# L

Jud 15.20

וַיִּשְׁפֹּט אֶת־יִשְׂרָאֵל בִּימֵי פְלִשְׁתִּים
עֶשְׂרִים שָׁנָה׃ ף

Sz K K2 R R2 E D D2 H H# G G# L

Noviny Arcanum

Noviny Arcanum

Podívejte se, co o tomto tématu napsaly noviny za posledních 250 let!

Arcanum Adatbázis Kft. je předním poskytovatelem obsahu v Maďarsku, které zahájilo svou činnost 1. ledna 1989. Společnost se zabývá rozsáhlou digitalizací, správou databází a vydáváním kulturního obsahu.

O nás Kontakt Tisková místnost

Databázy

Technologie

Historické mapy

Umělá inteligence

Languages

Noviny Arcanum

Noviny Arcanum
Podívejte se, co o tomto tématu napsaly noviny za posledních 250 let!