Nr. 368. (357.)
Nr. 368. (357.)
EDD.: Ed.pr. p.Q4v-Rr. Bel p.265-266. Endlicher p.732. Kandra p.482-484. Karácsonyi - Borovszky p.295-296. CD Slov. I p.249 (nr.346). TRANSL.: Kandra p.483-485.
Cum hęreditaria portio Nicolai filii Endus de terra Borozlou in ius Petri filii Petri ordine iudiciali cessisset, idem Petrus astruxit, quod praenominatus Nicolaus in terra eadem partem emptitiam haberet pręter hęreditariam. Quod cum cohęredes eiusdem Nicolai, videlicet Cepanus comes, Petrus, Iohannes et Paulus negarent, Ladislaus comes posuit super iuramentum eorundem condivisorum et dato pristaldo nomine Becha filio Petri misit eos Waradinum, ubi cum iurare fuissent parati, procurator Petri nomine Hubec iustitiam adversariorum domini sui recognoscens non adiuravit eos dimittens eis terram, quam dominus eius Petrus pro emptitia parte requisierat. Convenit etiam ille Hubuc iudici satisfacere in toto, pristaldo vero in parte. Pręterea supradictus Petrus requisivit duas villas, scilicet Gurbuc et Fekethe pro terra Nicolai ex donatione regis patri suo Endus collata, cui dum praenominati quatuor homines contradicerent asserentes eas ipsi Nicolao cum ipsis esse hereditarias et hoc testimonio multorum bonorum hominum comprobassent, praedictus iudex per iam dictum pristaldum misit eos Waradinum ad examen ferri candentis, ubi homo ipsorum portato ferro iustificatus est.
){kind=link}
){kind=link}