Nr. 328. (229.)
Nr. 328. (229.)
EDD.: Ed.pr. p.K3v-K4v. Bel p.240. Endlicher p.696-697. Kandra p.346-350. Karácsonyi - Borovszky p.277-278. TRANSL.: Kandra p.347-351.
Borokun filius Gyule impeciit quosdam dusinicos de villa Iohan ad ecclesiam Sancti Petri in eadem villa attinentes, scilicet Obuganum, Thekum, Chemam, Chemzam, Michaelem, Petrum, Latamasum, Martinum, Chedam et Cozmam dicens, quod cum sint dusinici a genere eius, scilicet Iohan manumissi, contra ipsum tamen superbiant. Illi autem responderunt se dusinicos quidem esse a praefato Iohan cum terra sua dimissos, sed eundem Iohan nulla consanguinitatis linea ad ipsum, videlicet Borocun pertinere, et ita seipsos nullo penitus dominio eidem Borokum esse obnoxios. Banc igitur, comes de Burg posuit super iuramentum Martini et Fonchukae, cognatorum Borokun et super iuramentum duorum finitimorum, quos adversarii eligerent, et misit utramque partem Varadinum per pristaldum nomine Stephanum de genere Zachu de villa Berenta, ut illis quatuor ibi iurantibus memoratum Iohan esse genus Borokun constaret. Dato itaque eis termino in dominica Factus est nominati dusinici cum pristaldo ipsorum Stephano praenominatos testes adiuraturi fuere Varadini, sed praedicti testes non comparuerunt. Praefatus tamen adversarius misso serviente dixit eos fuisse citatos ad regem et ideo ad terminum non potuisse venire. Dato item secundo termino venit praenominatus adversarius et sicut prius per servientem, ita per se ipsum dixit, iam dictos testes citatos esse ad regem et ideo ad terminum non potuisse venire. Sed cum hoc praefato iudici falsum esse constitisset, praefatum Borokun condemnavit et praenominatos dusinicos cum terra eorum iustificandos esse secundum praescriptam assercionem eorum per pristaldum suum testimonio capituli Varadinensis fecit commendari.
){kind=link}
){kind=link}