מִשְׁלֵי שְׁלֹמֹה בֶנ־דָּוִד מֶלֶך
יִשְׂרָאֵל׃
לָדַעַת חָכְמָה וּמוּסָר לְהָבִין
אִמְרֵי בִינָה׃
לָקַחַת מוּסַר הַשְׂכֵּל צֶדֶק וּמִשְׁפָּט
וּמֵישָׁרִים׃
לָתֵת לִפְתָאיִם עָרְמָה לְנַעַר
דַּעַת וּמְזִמָּה׃
יִשְׁמַע חָכָם וְיֺוסֶף לֶקַח וְנָבוֺן
תַּחְבֻּלוֺת יִקְנֶה׃
לְהָבִין מָשָׁל וּמְלִיצָה דִּבְרֵי
חֲכָמִים וְחִידֹתָם׃
יִרְאַת יְהוָה רֵאשִׁית דָּעַת חָכְמָה
וּמוּסָר אֱוִילִים בָּזוּ׃ ף
שְׁמַע בְּנִי מוּסַר אָבִיךָ וְאַל־תִּטֹּשׁ
תּוֺרַת אִמֶּךָ׃
כִּי לִוְיַת חֵן הֵם לְרֹאשֶׁךָ וַעֲנָקִים
לְגַרְגְּרֹתֶיךָ׃
בְּנִי אִמ־יְפַתּוּךָ חַטָּאִים אַל־תֹּבֵא׃
אִמ־יֺאמְרוּ לְכָה אִתָּנוּ נֶאֶרְבָה
לְדָם נִצְפְּנָה לְנָקִי חִנָּם׃
נִבְלָעֵם כִּשְׁאוֺל חַיִּים וּתְמִימִים
כְּיֺורְדֵי בוֺר׃
כָּל־הוֺן יָקָר נִמְצָא נְמַלֵּא
בָתֵּינוּ שָׁלָל׃
גֺּורָלְךָ תַּפִּיל בְּתוֺכֵנוּ כִּיס
אֶחָד יִהְיֶה לְכֻלָּנוּ׃
בְּנִי אַל־תֵּלֵך בְּדֶרֶך אִתָּם מְנַע
רַגְלְךָ מִנְּתִיבָתָם׃
כִּי רַגְלֵיהֶם לָרַע יָרוּצוּ וִימַהֲרוּ
לִשְׁפָּכְ־דָּם׃
כִּי־חִנָּם מְזֺרָה הָרָשֶׁת בְּעֵינֵי
כָל־בַּעַל כָּנָף׃
וְהֵם לְדָמָם יֶאֱרֹבוּ יִצְפְּנוּ
לְנַפְשֹׁתָם׃
כֵּן אָרְחוֺת כָּל־בֹּצֵעַ בָּצַע אֶת־נֶפֶשׁ
בְּעָלָיו יִקָּח׃ ף
חָכְמוֺת בַּחוּץ תָּרֹנָּה בָּרְחֹבוֺת
תִּתֵּן קוֺלָהּ׃
בְּרֹאשׁ הֹמִיֺּות תִּקְרָא בְּפִתְחֵי
שְׁעָרִים בָּעִיר אֲמָרֶיהָ תֹאמֵר׃
עַד־מָתַי פְּתָיִם תְּאֵהֲבוּ פֶתִי
וְלֵצִים לָצוֺן חָמְדוּ לָהֶם
וּכְסִילִים יִשְׂנְאוּ־דָעַת׃
תָּשׁוּבוּ לְתוֺכַחְתִּי הִנֵּה אַבִּיעָה
לָכֶם רוּחִי אוֺדִיעָה דְבָרַי
אֶתְכֶם׃
יַעַן קָרָאתִי וַתְּמָאֵנוּ נָטִיתִי
יָדִי וְאֵין מַקְשִׁיב׃
וַתִּפְרְעוּ כָל־עֲצָתִי וְתוֺכַחְתִּי
לֹא אֲבִיתֶם׃
גַּמ־אֲנִי בְּאֵידְכֶם אֶשְׂחָק אֶלְעַג
בְּבֹא פַחְדְּכֶם׃
בְּבֹא 1 כְשַׁאֲוָה 2 כְשׁוֺאָה פַּחְדְּכֶם
וְאֵידְכֶם כְּסוּפָה יֶאֱתֶה בְּבֹא
עֲלֵיכֶם צָרָה וְצוּקָה׃
אָז יִקְרָאֻנְנִי וְלֹא אֶעֱנֶה יְשַׁחֲרֻנְנִי
וְלֹא יִמְצָאֻנְנִי׃
תַּחַת כִּי־שָׂנְאוּ דָעַת וְיִרְאַת
יְהֹוָה לֹא בָחָרוּ׃
לֹא־אָבוּ לַעֲצָתִי נָאֲצוּ כָּל־תּוֺכַחְתִּי׃
וְיֺאכְלוּ מִפְּרִי דַרְכָּם וּמִמֹּעֲצֹתֵיהֶם
יִשְׂבָּעוּ׃
כִּי מְשׁוּבַת פְּתָיִם תַּהַרְגֵם וְשַׁלְוַת
כְּסִילִים תְּאַבְּדֵם׃
וְשֹׁמֵעַ לִי יִשְׁכָּנ־בֶּטַח וְשַׁאֲנַן
מִפַּחַד רָעָה׃ ף