וַיַּעַן אִיֺּוב וַיֺּאמַר׃
לוּ שָׁקוֺל יִשָּׁקֵל כַּעְשִׂי 1 וְהַיָּתִי 2 וְהַוָּתִי
בְּמֹאזְנַיִם יִשְׂאוּ־יָחַד׃
כִּי־עַתָּה מֵחוֺל יַמִּים יִכְבָּד
עַל־כֵּן דְּבָרַי לָעוּ׃
כִּי חִצֵּי שַׁדַּי עִמָּדִי אֲשֶׁר חֲמָתָם
שֹׁתָה רוּחִי בִּעוּתֵי אֱלוֺהַּ
יַעַרְכוּנִי׃
הֲיִנְהַק־פֶּרֶא עֲלֵי־דֶשֶׁא אִם
יִגְעֶה־שּׁוֺר עַל־בְּלִילוֺ׃
הֲיֵאָכֵל תָּפֵל מִבְּלִי־מֶלַח אִמ־יֶשׁ־טַעַם
בְּרִיר חַלָּמוּת׃
מֵאֲנָה לִנְגֺּועַ נַפְשִׁי הֵמָּה כִּדְוֵי
לַחְמִי׃
מִי־יִתֵּן תָּבוֺא שֶׁאֱלָתִי וְתִקְוָתִי
יִתֵּן אֱלוֺהַּ׃
וְיֺאֵל אֱלוֺהַּ וִידַכְּאֵנִי יַתֵּר
יָדוֺ וִיבַצְּעֵנִי׃
וּתְהִי עוֺד נֶחָמָתִי וַאֲסַלְּדָה
בְחִילָה לֹא יַחְמוֺל כִּי־לֹא
כִחַדְתִּי אִמְרֵי קָדוֺשׁ׃
מַה־כֹּחִי כִי־אֲיַחֵל וּמַה־קִּצִּי
כִּי־אַאֲרִיך נַפְשִׁי׃
אִמ־כֹּחַ אֲבָנִים כֹּחִי אִמ־בְּשָׂרִי
נָחוּשׁ׃
הַאִם אֵין עֶזְרָתִי בִי וְתֻשִׁיָּה
נִדְּחָה מִמֶּנִּי׃
לַמָּס מֵרֵעֵהוּ חָסֶד וְיִרְאַת שַׁדַּי
יַעֲזֺוב׃
אַחַי בָּגְדוּ כְמוֺ־נָחַל כַּאֲפִיק
נְחָלִים יַעֲבֹרוּ׃
הַקֹּדְרִים מִנִּי־קָרַח עָלֵימוֺ
יִתְעַלֶּמ־שָׁלֶג׃
בְּעֵת יְזֺרְבוּ נִצְמָתוּ בְּחֻמּוֺ
נִדְעֲכוּ מִמְּקוֺמָם׃
יִלָּפְתוּ אָרְחוֺת דַּרְכָּם יַעֲלוּ
בַתֹּהוּ וְיֺאבֵדוּ׃
הִבִּיטוּ אָרְחוֺת תֵּמָא הֲלִיכֹת
שְׁבָא קִוּוּ־לָמוֺ׃
בֹּשׁוּ כִּי־בָטָח בָּאוּ עָדֶיהָ וַיֶּחְפָּרוּ׃
כִּי־עַתָּה הֱיִיתֶם 1 לֹא 2 לוֺ תִּרְאוּ
חֲתַת וַתִּירָאוּ׃
הֲכִי־אָמַרְתִּי הָבוּ לִי וּמִכֹּחֲכֶם
שִׁחֲדוּ בַעֲדִי׃
וּמַלְּטוּנִי מִיַּד־צָר וּמִיַּד עָרִיצִים
תִּפְדּוּנִי׃
הוֺרוּנִי וַאֲנִי אַחֲרִישׁ וּמַה־שָּׁגִיתִי
הָבִינוּ לִי׃
מַה־נִּמְרְצוּ אִמְרֵי־יֺשֶׁר וּמַה־יֺּוכִיחַ
הוֺכֵחַ מִכֶּם׃
הַלְהוֺכַח מִלִּים תַּחְשֹׁבוּ וּלְרוּחַ
אִמְרֵי נֺאָשׁ׃
אַפ־עַל־יָתוֺם תַּפִּילוּ וְתִכְרוּ
עַל־רֵיעֲכֶם׃
וְעַתָּה הוֺאִילוּ פְנוּ־בִי וְעַל־פְּנֵיכֶם
אִמ־אֲכַזֵּב׃
שֻׁבוּ־נָא אַל־תְּהִי עַוְלָה 1 וְשֻׁבִי 2 וְשׁוּבוּ
עוֺד צִדְקִי־בָהּ׃
הֲיֵשׁ־בִּלְשׁוֺנִי עַוְלָה אִמ־חִכִּי
לֹא־יָבִין הַוֺּות׃