Nr. 380. (133.)
Nr. 380. (133.)
EDD.: Ed.pr. p.F4v-Gr. Bel p.223-224. Endlicher p.674-675. Kandra p.252-254. Karácsonyi - Borovszky p.303. TRANSL.: Kandra p.253-255.
Cives castri de Nougrad de villa Sembur, scilicet: Chepanus, Penter, Rodus, Pousa, Domald, Stephanus, Oucus, Zunga et Ioannes coadiuvantibus eiusdem castri ioubagionibus, scilicet Loudan, principe exercitus, Nicolao, Bohmel, Paulo, Both, Tiburtio et Michaele requisiverunt terram cuiusdam liberi hominis de nomine Peth, quę est ad quattuor aratra dicentes terram esse castri et ab ipso violenter occupatam in eadem villa coram Ladislao, iudice curię et comite Bachiensi. Qui Peth cum terram suam iure emptionis se possedisse respondisset, nominatus iudex vtramque partem ad examen ferri candentis per pristaldum nomine Imurad de villa Sceureg transmisit Varadinum. Ubi cum sępius dictus Peth ferrum levasset et ad diem solutionis accessisset, nominati ioubagiones castri sese recognoscentes memoratam terram nominato Peth pro terra sua resignaverunt. Quę terra habet metas ab oriente de Topka et a meridie habet terram sanctę ecclesiae Paztuh, inde graditur per vallem nomine Potok ad montem Grab, inde ad Sember et de Sember incedit ad Hogoua, ibi desinit esse, vt nominatus pristaldus dixit nobis coram adversa parte et idem asserente.
){kind=link}
){kind=link}