Nr. 372. (125.)
Nr. 372. (125.)
EDD.: Ed.pr. p.Fv-F2r. Bel p.220-221. Endlicher p.670-671. Kandra p.240-242. Karácsonyi - Borovszky p.298. CD Slov. I p.322 (nr.444). TRANSL.: Kandra p.241-243.
Cum Eccy comes, filius Eccy emisset terram nomine Camana a Leua filio Cusyd, elapso aliquanto tempore Michael filius Michaelis, frater Edemen requisivit eandem terram pro sua terra et cum non posset ad probandum hoc aliquod argumentum inducere, Ladislaus, comes Bachiensis et iudex curię posuit super iuramentum Eccy comitis, sed consilio amicorum utriusque partis et licentia iudicis taliter convenerunt: quod Eccy comes daret Michaeli viginti marcas una minus et Michael dimitteret prędictam terram Eccy comiti pro iure emptionis ita, quod si quando a quocumque eadem terra ab Eccy comite vel posteris eius requireretur, Michael vel eius hęredes Eccy comitem iustificare tenerentur. Et ut exitus huius causę indelebilis existat, nominatus Eccy comes cum pristaldo huius causę nomine Mycud filio Athae Varadinum veniens persolvit nominato Michaeli viginti marcas una minus capitulo et pristaldo pręsente.
){kind=link}
){kind=link}