II.
II.
Ime az 1734. évi törvényczikkek czímzetei:
Articuli Dominorum Praelatorum, Baronum, Magnatum ac Nobilium etc.
Praefatio. In qua Status et Ordines pro extensis per victricia Arma Regni finibus, immortalibusque in ipsos collatis Beneficiis, homagiali devotione gratias agunt: Et Diaetales Articulos Regia authoritate confirmari supplicant.
Art. 1. Status et Ordines Regni, Partiumque eidem annexarum, Sacrae Caesareae et Regiae Majestati, pro Libertatum et Praerogativarum, Earundem Paterna et clementissima Confirmatione, et Suae in medium Statuum Sacratissimae Personae adventu, gratias quam maximas referunt.
Art. 2. De Regia Haereditaria Sacratissimae Caesareae et Regiae Majestatis, Sexus Foeminei Augustae Domus Austriacae in Sacra Regni Hungariae Corona et Partibus eidem ab antiquo annexis, continua Successione.
Art. 3. Jura, Praerogativae et Libertates Statuum et Ordinum Regni, Partiumque eidem annexarum confirmantur.
Art. 4. De Palatinali, et simul etiam Locumtenentiali Authoritate.
Art. 5. De speciali Nobilitatis Praerogativa.
Art. 6. Domini Terrestres et alii Nobiles, a contribuendo, ulterius quoque pro immunibus declarantur.
Art. 7. De comitiorum celebratione.
Art. 8. De Residentia Regiae Majestatis intra Regnum Hungariae.
Art. 9. Casus Notam infidelitatis adhuc inferentes.
Art. 10. Casus antehac Notae infidelitatis, in poenam actus majoris potentiae commutati, spedificantur.
Art. 11. Adhuc nonnulli Casus, prius notorii, mortis poena puniendi statuuntur.
175Art. 12. Diversi Casus, antehac Notam infidelitatis inferentes, pro ratione Delictorum, mitiori poena puniendi declarantur.
Art. 13. De Tricesimatorum Excessibus, et nonnullis Tricesimis tollendis.
Art. 14. Tricesimas et Telonia, ab inductis et eductis, pro necessitate propria, Regnicolae non solvant.
Art. 15. De Siccis, et non necessariis etiam Fluvialibus Teloniis tollendis, Judaeisque amovendis.
Art. 16. De Camerae Regiae Ungaricae Authoritate, et sufferendis Arendatorum Excessibus.
Art. 17. De Metis, cum Vicinis Regnis et Provinciis rectificandis, et revisis, effectuandis.
Art. 18. De Praediis impopulandis.
Art. 19. Ut ratione Bonorum in Art. 10. anni 1715. specificatorum, et prae manibus quorumcunque exitentium; instantibus Regnicolis, coram Tabula Regia, Justitia administretur, et usque ad decisionem Litis non distrahantur.
Art. 20. De Reapplicatione et Reincorporatione, ad Sacram Regni Hungariae Coronam spectantium.
Art. 21. De Militiae excessibus, et regalibus sufferendis.
Art. 22. Ut Art. 72. anni 1715. de austriacis, styris, et aliis vicinarum Provinciarum Incolis in Ungaria Fundos possidentibus, effectuetur.
Art. 23. De Generalatuum ad confinia translatione, et non necessariorum Praesidiorum evacuatione.
Art. 24. Pro reveisionibus appellationum, penes Dominum Comitem Palatinum, qua simul etiam Locumtenentem Regium, Judices denominantur.
Art. 25. De Tabula Regia judiciaria, ejusdemque Stabilitate.
Art. 26. De Causis ad Tabulam Regiam judiciariam spectare debentibus, juridicisque remediis, et Termino evocationis.
Art. 27. De Tabula Banali.
Art. 28. Tempore revisionis appellatarum causarum, procedentes Judices et alii Interessati, etiam in sedibus judiciariis Comitatuum exesse debeant.
Art. 29. De Feriis, universalibusque Juristitiorum terminis.
Art. 30. De Tabularum districtualium Erectione, et personis ad easdem adhibendis.
Art. 31. De Loco TAbularum districtualium, celebrationeque judiciorum.
Art. 32. De Terminorum praefixionibus, Causantium comparitione, brevitate allegandi, et sententiarum executionibus.
Art. 33. De Oppositione, vel executorum Bonorum reoccupatione, novoque judicio, et transmissionalibus, ac causarum sub Litis pendentia existentium, continuatione.
176Art. 34. Series causarum, pure ad Tabulas districtuales perinentium.
Art. 35. De Plenipotentialibus et Procuratoriis, sub sigillo Comitatuum emanandis.
Art. 36. De modo expeditionis Literarum procuratoriarum.
Art. 37. De causarum legaliter institutarum, et quomodocunque impeditarum, ulteriori promotione.
Art. 38. De Advocatis.
Art. 39. De Capitulis et Conventibus, eorumdemque officio, et Personis adhibendis.
Art. 40. De Testimoniis capitularibus, et conventualibus, ad executionem exmittendis.
Art. 41. Ne Capitula et Conventus, per se et pro se Fassiones celebrare possint.
Art. 42. De Expeditionibus, per Judices Regni ordinaros, Capitula et Conventus, erga Requisitoria amodo deinceps extradandis.
Art. 43. De Literis, etiam aliorum jura respicientibus, ex Locis credibilibus cum tota serie extradandis.
Art. 44. De Conventus S. Martini, s. montis Pannoniae, restauratione.
Art. 45. De Archivo Regni instituendo, et de aliorum Literis, ex Cameris regiis et ex Conventu S. Martini sacri montis Pannoniae, ac ex Transylvania, rehabendis.
Art. 46. De Poena Larvatarum Personarum, et de praecautione; ne falsis Literis, legitimi Possessores evertantur; deque Proditione fraterni sanguinis.
Art. 47. Declaratio Art. 54. anni 1655. de Lucro, et Damno fratrum, sonantis.
Art. 48. De Sequestro, Dilapidatoribus imponendo.
Art. 49. Qualianam intelligi debeant propria acquisita, de quibus unusquisque liberam disponendi facultatem habet?
Art. 50. De Majoratu, et declaratione Art. 9. anni 1687.
Art. 51. De Causis respectu Cameralium Bonorum promovendis.
Art. 52. Articulus 54. anni 1715. confirmatur; et ad Damnificationes privatas inter partes extenditur.
Art. 53. De observando Auszug-ali Processu, et qualiter pro hactenus interventis debitis Mercatores agere possint?
Art. 54. Praetensiones contra Polonos, tum in facto debitorum, tum arestationum, aliorumque acquirendae.
Art. 55. De Residentia Praelatorum in Dioecesibus et Beneficiis.
Art. 56. De Residentia Supremorum Comitum in Comitatibus; et Restauratione Comitatuum, Vice-Comitum, aliorumque Officialium conditione.
Art. 57. In facto dehonestationis poena declaratur.
Art. 58. De modo celebrationis Congregationis Comitatuum; Violationisque earundem poena.
177Art. 59. De poena Interceptoribus, Detentoribus, Suppressoribus et Violatoribus Literarum missilium, irroganda.
Art. 60. Declaratur Art. 101. anni 1715. in facto repetitionis Colonorum.
Art. 61. De Migratione Taxalistarum, et aliorum quorumcunque Ignobilium, limitanda.
Art. 62. De non translocandis per Dominos Terrestres ex uno Comitatu ad alium, Subditis.
Art. 63. De perceptoribus Dominiorum, eorundemque restantiis per Dominos bonificandis, et eatenus Art. 37. anni 1647. renovatione.
Art. 64. Extranei, etiam Officiales, a facultatibus propriis, ad onera publica proportionate concurrant.
Art. 65. Ne Civitates L. ac. R., non Montanae, ac privilegiata etiam R. Oppida, a communi onere eximantur.
Art. 66. De famulorum ignobilium Mercede moderanda, et initio servitii aequaliter inducendo.
Art. 67. De Portarum adjustatione, et Regni conscriptione.
Art. 68. De Pecuniae in Regno et Partibus eidem annexis, uniformi cursu et acceptatione.
Art. 69. De Presbyterorum graeci ritus filiis.
Art. 70. Filiorum Patriae, in bonis disciplinis educatio, et ut fundationes ac pia legata, quoquo modo neglecta, instaurentur, et non effectuata, effectuentur.
Art. 71. De Ecclesiis, Juribusque Ecclesiasticis, ne desolentur, invigilandum.
Art. 72. De Art. 40. anni 1681. quoad unum Magistrum Protonotarium, et Judices Tabulares, tam in Partibus Trans-Danubianis, quam et superioribus, observandi Modificatione.
Art. 73. De Loco, ubi Tolnensis et alii, quorum eadem esset ratio, Comitatus, Sedes judiciarias celebrent; acta conservent, Jurisdictionem magistratualem exerceant; in Bonis Dominorum Terrestrium concedendo.
Art. 74. De appellationis foro, ad Comitatus, ex quibuscunque Oppidis privilegiatis, et Communitatibus, a quorum videlicet Foro, in sedem dominalem Via appellationis Causae hactenus deductae non fuissent, et de tollendis Ceharum abusibus.
Art. 75. Ne lignea Instrumenta, aliaeque res venales, Comaromii et alibi praeemantur: neve Nobiles Regni, per Magistratus Locorum, vel Cehas aut Praesidiarios, quoquo modo turbentur.
Art. 76. De Excessuum, occasione Educillorum Regiorum comitti solitorum, sublatione.
Art. 77. De interdicenda Austriacorum in Jurisdictionem Comitatus 178Mosoniensis inviolatione; Possessionumque Szinczdorff, ac aliarum, Jurisdictioni Comitatus Castriferrei reapplicatione; nec non familiae Kisfaludi ac Compossessorum de Bucsú, negotio accomodando.
Art. 78. De Vinorum, in vicinas Provincias haereditarias, eductione.
Art. 79. De oppido Kálló, Familiae Kállai restituendo.
Art. 80. Pro obventione Salis, juxta Privilegia, habentibus consolandis, interceditur.
Art. 81. Instantia et Negotium Comitis Sigismundi Nyári, Familiarum item Amade et Kerekes, nec non Sándoraianae, ac aliorum, humillime recommendantur, et pro restitutione Domus Thurzonianae Viennensis interceditur.
Art. 82. De Simonis condam Pek, et Martini Győry haeredum contentatione, supplicatur.
Art. 83. Ut Comitatus Bacsiensis in Jurisdictione magistratuali non impediatur, et antiquae contributionales Restantiae non exequantur.
Art. 84. De Debitis, per nonnullos Comitatus Bodroghiensis Officiales, nomine universitatis contractis, per eosdem, qui sine scitu et consensu Comitatus contraxerunt, exsolvendis.
Art. 85. De Controversia, Valachorum Districtus Berettyó, et aliorum.
Art. 86. De confirmandis et observandis 23. 1687. et 125. 1715. annorum articulis, eorundemque extensione.
Art. 87. De banali authoritate.
Art. 88. De restituendo et Regno reincorporando terreno, in quo Generalatus Varasdiensis illocatus fuerat; pluribusque Querelis ac Gravaminibus in Art. 113. anni 1715. comprehensis, complanandis et in futurum tollendis.
Art. 89. De celebratione Judiciorum octavialium Banalium.
Art. 90. De publicorum onerum Contumacibus, et refractariis supportatoribus; ad eadem compellendis.
Art. 91. De abrogandis Tricesimatorum abusibus, Legibusque eatenus etiam ad Arendatores extendendis.
Art. 92. De confirmandis Praerogativis Nobilium unius Sessionis, et Armalistarum.
Art. 93. Ut familia Erdődiana, in integrum jurium suorum reponatur.
Art. 94. De Nobilitate Trans- et Cis-Colapiana; qualiter illatas, et ne fors inferendas sibi per homines et Officiales cameraticos injurias, legitimo jure vindicare valeat?
Art. 95. De Civitatis Crisiensis Unione.
Art. 96. Ordo Crucigerorum Hospitalariorum cum rubea Stella, in Regnum Hungariae et Partes eidem annexas; una cum infrascriptis Ordinibus recipitur.
Art. 97. De Systemate Consilii Regii Ungarici.
Art. 98. De Consilii Regii Ungarici Cancellaria et Rationaria.
179Art. 99. De Generali Regni Perceptore.
Art. 100. De Commissariatu.
Art. 101. De Consilii Regii Authoritate, Modoque, ea, quae a benigna Caes. Regiae Majestatis Resolutione dependerent; Suae Majestati repraesentandi.
Art. 102. De activitate Consilii Regii in genere.
Art. 103. De Impopulatione Regni.
Art. 104. Ut Regnicolae, in rebus et negotiis Regnum Hungariae tangentibus, ad Legationes applicentur.
Art. 105. Parentibus aut Tutoribus in educandis et erudiendis Liberis, negligentioribus, ne ejusmodi Liberi delitescant; invigilandum; ac de Junventutis eruditione et accomodatione; attenuatarumque Familiarum sublevatione.
Art. 106. Ut Domus Regnicolarum, pro publicis necessitatibus, et signanter archivi conservatione, instituatur.
Art. 107. De Inprotocollatione seu Intabulatione in Comitatibus et civitatibus observanda.
Art. 108. De Judiciis montanisticis, Legibus Regni conformandis.
Art. 109. De praecavendis Incendiis.
Art. 110. Contra Blasphemos in Deum, Beatissimam V. Mariam et Sanctos Dei, animadvertendum
Art. 111. Ut excessuosi Delitescentes coerceantur.
Art. 112. De Informationibus a Comitatibus et Civitatibus per Consilium accipiendis.
Art. 113. De Salvis Conductibus, per Suam Majestatem Sacratissimam extradi solitis.
Art. 114. De cursu Postae ordinando.
Art. 115. De Oeconomia Regni publica.
Art. 116. Ut Regia Maj. Regnum tot bellorum calamitatibus attritum, quoad Institutum promovendorum publicorum, clementi Ope et Gratia consolari dignetur; et Commercia intra Regnum instituantur.
Art. 117. De diversi generis Mechanicis in Regnum inducendis.
Art. 118. De praecavenda Vinorum praestantiorum adulteratione.
Art. 119. De Quaestu Pecorum instituendo, et Quaestorum extraneorum in Regnum libera permissione.
Art. 120. De coercendis usurariis.
Art. 121. De ferri, ex aliis Provinciis in Regnum interdicenda inductione.
Art. 122. De Auqe-Ductibus instituendis.
Art. 123. Excellentissimi ac Illustrissimi Domini Sacri Rom. Imp. Comites, Thomas Gundaggerus, item Guido, nec non reliqui subinserti Domini a Stahremberg, in Hungaros cooptantur.
180Art. 124. Exc. et Illustr. Dominus Franciscus Ferd. Kinsky, S. Rom. Imp. Comes de Chinicz, in Hungarum recipitur.
Art. 125. Exc. et Illustr. D. S. Rom. Imp. Comes Claudius Florimundus a Merzi, et Illustr. D. Comites Joannes, Josephus et Franciscus Jörger, in Hungaros recipiuntur.
Art. 126. Illustr. D. Comes Joannes Jacobus a Lövenburg in Hungarum jam prius receptus, inarticulatur.
Art. 127. D. Baro Ernestus a Petrásch pariter in Hungarum recipitur.
Art. 128. D. Joannes Georgius de Managetta etc.
Art. 129. Domini Joannes Georgius ab Haruckern, et Joannes Wilhelmus Borckhausen, pariter in Hungaros recipiuntur.
Conclusio: Nos itaque demissa etc.
