Ps 128
Ps 128
Ps 128.1
canticum graduum saepe expugnaverunt me ab adulescentia mea dicat nunc Israhel
Ps 128.2
saepe expugnaverunt me ab adulescentia mea sed non potuerunt mihi
Ps 128.3
super cervicem meam arabant arantes prolongaverunt sulcum suum
Ps 128.4
Dominus iustus concidet laqueos impiorum
Ps 128.5
confundantur et revertantur retrorsum omnes qui oderunt Sion
Ps 128.6
fiant sicut faenum tectorum quod statim ut viruerit arescet
Ps 128.7
de quo non implebit manum suam messor et sinum suum manipulos faciens
Ps 128.8
de quo non dixerunt transeuntes benedictio Domini super vos benediximus vobis in nomine Domini
Arcanum Newspapers
See what the newspapers have said about this subject in the last 250 years!
Show me
